Conforme ó establecido na Lei 11/1997, de 22 de agosto, Xeral do Deporte de Galicia (DOG nº 170 de 4-9-1997), e demais Normativa aplicable, é necesaria a presentación da documentación que a continuación se cita, co obxecto de inscribir unha Sociedade no Rexistro de Asociacións Deportivas da Dirección Xeral para o Deporte e na Federación Galega de Caza.

1. SOLICITUDE DE INSCRICIÓN . Solicitude da Sociedade dirixida ó Sr. Delegado Provincial da Consellería de Cultura e Deporte, cumprimentando tódolos datos que nela se sinalan.

Esta solicitude deberá asinala o Presidente da Sociedade.

2. ACTA DE CONSTITUCIÓN . Nela figurarán as persoas que constitúen a Sociedade (como mínimo 5 membros). Deberanse cumprimentar tódolos datos que figuran no impreso.

Este documento deberán asinalo tódalas persoas que se relacionan nel.

IMPORTANTE: Entre a data da Acta de Constitución, e o resto da documentación deberán de mediar alomenos 15 días naturais (Exemplo: se unha Sociedade se constitúe o día 1 de Xaneiro, esta data figurará na Acta de Constitución, mentres que no resto da documentación deberá figurar coma mínimo o día 15 de Xaneiro).

3. CERTIFICACIÓN DE APROBACION DE ESTATUTOS . Será emitido polo Secretario Xeral da Sociedade, cumprimentando tódolos datos que figuran no impreso.

Este documento deberán de asinalo o Presidente e Secretario da Sociedade.

4. RELACIÓN DA XUNTA DIRECTIVA . Relación de tódolos membros da Xunta Directiva ou Xunta Xestora da Sociedade, con expresión de tódolos datos que se indican no impreso (mínimo 5 Directivos e máximo 15).

Este impreso deberán de asinalo tódolos Directivos que figuren na relación.

5. ESTATUTOS. Deberán de axustarse ao modelo oficial que facilitará ó efecto a Federación Galega de Caza, cumprimentando tódolos apartados que figuran en branco.

Deberán de asinarse tódalas páxinas dos Estatutos (á marxe esquerda) por tódolos membros da Xunta Directiva.

6. TAXA DE AUTOLIQUIDACIÓN. Á Documentación anterior unirase o exemplar correspondente á Administración da Taxa de Autoliquidación da Inscrición no Rexistro de Asociacións Deportivas a favor da Dirección Xeral para o Deporte ( 9,04€uros ). Dita taxa deberá de cumprimentarse cos datos do Presidente da Sociedade, e facela efectiva en Caixa Galicia ou calquera outra oficina bancaria das que se sinalan no impreso orixinal da mesma.

7.MODELO DE REQUISITOS

A continuación indícanse os requisitos e documentos necesarios para modifica-lo DOMICILIO SOCIAL DUNHA SOCIEDADE no Rexistro de Asociacións Deportivas da Dirección Xeral para o Deporte, e na FGC.

1. SOLICITUDE NORMALIZADA . Solicitude da Sociedade dirixida ó Delegado Provincial da Consellería de Cultura e Deporte, cumprimentando tódolos datos que nela se sinalan.

Esta solicitude deberá de estar asinada polo Presidente da Sociedade.

2. CERTIFICACIÓN DE CAMBIO DE ENDEREZO .

Será emitido polo Secretario Xeral da Sociedade, cumprimentando tódolos datos que figuran no impreso.

Este documento deberán de asinalo o Presidente e Secretario da Sociedade.

A continuación indícanse os requisitos e documentos necesarios para modifica-los Estatutos das Sociedades que xa están inscritas no Rexistro de Asociacións Deportivas da Dirección Xeral para o Deporte, e na FGC.

1.SOLICITUDE NORMALIZADA . Solicitude da Sociedade dirixida ó Delegado Provincial da Consellería de Cultura e Deporte, cumprimentando tódolos datos que nela se sinalan.

Esta solicitude deberá de estar asinada polo Presidente da Sociedade.

2. CERTIFICACION DE APROBACION DE NOVOS ESTATUTOS . Será emitido polo Secretario Xeral da Sociedade, cumprimentando tódolos datos que figuran no impreso.

Este documento deberán de asinalo o Presidente e Secretario da Sociedade.

3. RELACION DA XUNTA DIRECTIVA . Relación de tódolos membros da Xunta Directiva da Sociedade, con expresión de tódolos datos que se indican no impreso (mínimo 5 Directivos e máximo 15).

Este impreso deberán de asinalo tódolos Directivos que figuren na relación.

4. ESTATUTOS. Deberán de axustarse ó modelo oficial que facilitará ó efecto a Federación Galega de Caza, cumprimentando tódolos apartados que figuran en branco.

Deberán de asinarse tódalas páxinas dos Estatutos (á marxe esquerda) por tódolos membros da Xunta Directiva.

5. TAXA DE AUTOLIQUIDACIÓN. Á Documentación anterior unirase o exemplar para a Administración da Taxa de Autoliquidación da Inscrición no Rexistro de Asociacións Deportivas a favor da Dirección Xeral para o Deporte (importe 5,57€uros). Dita taxa deberá de cumprimentarse cos datos do Presidente da Sociedade, e facela efectiva en Caixa Galicia ou calquera outra oficina bancaria das que se sinalan no impreso orixinal da mesma.

7.MODELO DE REQUISITOS

A continuación indícanse os requisitos e documentos necesarios para modifica-los datos das XUNTAS DIRECTIVAS no Rexistro de Asociacións Deportivas da Dirección Xeral para o Deporte, e na FGC.

1. SOLICITUDE NORMALIZADA . Solicitude da Sociedade dirixida ó Delegado Provincial da Consellería de Cultura e Deporte, cumprimentando tódolos datos que nela se sinalan.

Esta solicitude deberá de estar asinada polo Presidente da Sociedade.

2. CERTIFICACION DE ELECCIÓN DA NOVA XUNTA DIRECTIVA .

Será emitido polo Secretario Xeral da Sociedade, cumprimentando tódolos datos que figuran no impreso, no caso de ser insuficiente o impreso pódese utiliza-lo reverso do mesmo (mínimo 5 socios e máximo 15).

Este documento deberán de asinalo o Presidente e Secretario da Sociedade.

Non se abona Taxa pola modificación das Xuntas Directivas

1.- Disolución dunha sociedade para integrarse noutra:

1.1.- Cando unha sociedade se disolve para integrarse ou fusionarse noutra deberá celebrar asemblea xeral extraordinaria na que se acorde a disolución da sociedade e a súa integración ou fusión noutra. Deberá cumprimentarse a acta de disolución modelo 1 , que deberá asinar o presidente e secretario .

1.2.- Unha vez reunidos en asemblea xeral extraordinaria os socios de ámbalas-dúas sociedades (sociedade disolta, e sociedade que asume ós socios da anterior) cumprimentarán a acta de fusión, que será asinada polos presidentes e secretarios de ámbalas dúas sociedades.

Si a sociedade que asume os socios da disolta anteriormente decide cambia-la denominación social deberá cumprimentarse tamén o apartado 3º da acta de fusión .

Os documentos anteriores enviaranse á Federación Galega de Caza que cursará a baixa da sociedade disolta ó Rexistro de Asociacións Deportivas da Dirección Xeral para o Deporte . As sinaturas de ámbolos dous documentos deben ser orixinais.

2.- Disolución dunha sociedade:

2.1.- Cando unha sociedade acorda disolverse en asemblea xeral extraordinaria, e consecuentemente desaparecer como tal (non se fusiona con ningunha outra), deberá cumprimentarse a acta de disolución modelo 2 . O remanente do patrimonio social co que conte no momento da disolución aplicarase a fins análogos ós da sociedade, ou entregarase á Federación Galega de Caza ou á Dirección Xeral para o Deporte, debendo facerse constar este extremo no apartado 2º da citada acta. Si a sociedade unha vez disolta non contara con remanente social nin patrimonio, no apartado 2º da acta indicarase “ non existe remanente nin bens patrimoniais ”. A acta deberán asinala o presidente e secretario da sociedade.

O documento anterior enviarase á Federación Galega de Caza que cursará a baixa ó Rexistro de Asociacións Deportivas. As sinaturas deberán ser orixinais.

Cando unha sociedade que xa está inscrita no Rexistro de Asociacións Deportivas e Deportistas de Galicia se quere federar, o primeiro que deberíamos facer é facilitarlle a documentación para modifica-los estatutos no Rexistro de Deportes e insistirlle na importancia de realizar este trámite, pois do contrario os estatutos oficiais polos que se rexerá a sociedade serán os estatutos estándar que xa teñen inscritos no Rexistro de Asociacións, que xeralmente carecen –ademais doutros datos importantes- de normativa electoral. Únicamente si tras propoñerlle e insistirlle na modificación de estatutos, a sociedade segue sen estar disposta a realizar este trámite, afiliarémola previa presentación dos seguintes documentos:

1.- Solicitude de afiliación á Federación Galega de Caza.

2.- Copia compulsada (pode ser cotexada pola propia Federación Provincial) dos estatutos inscritos no Rexistro de Asociacións nos que deberá figurar o asento de aprobación de Deportes.

3.- Relación actualizada da Xunta Directiva, con expresión dos datos (DNI, enderezo, teléfono, etc) de tódolos seus membros.

4.- A Sociedade deberá federar un mínimo de 10 socios, sendo aconsellable que toda a Xunta Directiva estea federada.