Como Presidente da Federación Galega de Caza en Ourense, congratúlame poder dirixirme a tódolos cazadores en xeral, e particularmente aos da nosa provincia, así como a todas aquelas persoas que nos visiten a través de internet.

Agardo que esta nova iniciativa sirva para achegar un pouco máis aos cazadores ourensáns ás actividades que desenvolvemos desde a Federación.

A Federación de Ourense, conta con oficinas administrativas na rúa Noriega Varela, nº 12 desta provincia, tamén poden poñerse en contacto connosco a través de tlfno ou fax (988-221620), ou a través de correo electrónico (ourense@federaciongalegadecaza.com), onde esperamos a cantos cazadores e sociedades queiran visitarnos. Informarémolos gustosamente –sen ningún tipo de compromiso- de tódalas actividades, xestións e trámites que realizamos, e recibiremos de bon grado tódalas suxerencias que nos queiran aportar.

A Ourense cinexética, está por descubrir, necesita un impulso para agrupar a tódolos cazadores e sociedades nun único órgano representativo. Desde a Federación Provincial vimos facendo importantes esforzos para acadar este obxectivo, nembargantes é esencial a colaboración de tódolos cazadores da provincia. Por iso desde aquí, aproveitando este novo recurso informativo, queremos reiterarvos a nosa invitación para que vos acheguedes a coñecernos.

Xosé Luís Leites González
PRESIDENTE