A festa celebrarase baixo unhas carpas situadas no centro urbano da Cruz do Incio. Comezará ás 14.00 horas cunha comida a base de petiscos de empanada, xabaril con patacas, sobremesas e bebidas. A partir das catro da tarde e ata as oito haberá animación musical e diversos xogos para os máis pequenos.
As entradas poderanse obter nos bares do Incio ata o día 10 de maio a un prezo de 15 euros para adultos e 7 euros para menores de entre 5 e 12 anos. A organización recomenda adquirir os cartóns cando antes, dado que as prazas son limitadas.
A sociedade de cazadores e a asociación cultural, deportiva, ambiental e da terceira idade A Ouriceira organizan este evento desde hai catro anos. |