Éste é o primeiro dunha serie de encontros previstos proximamente entre ambos os colectivos para buscar unha solución ao incremento dos danos que ocasiona nos sementados o aumento da poboación de xabarís na zona, feito que admiten os propios cazadores.
Os presidentes dos tecores, que advertiron de que tampouco se poden facer cargo do problema porque se non terían que deixar a actividade, mostráronse dispostos a colaborar en todo o posible, por exemplo, «solicitando batidas á Xunta para eliminar o exceso de xabarís, creando máis sementados para disuadilos de ir comer ós sementados dos agricultores e acudindo onde vexan os propietarios que hai máis problemas para cazar alí cando empece a tempada en setembro», entre algunhas das medidas contempladas.