“Jana de Bosende” tamén foi seleccionada para o Campionato de Europa de Caza Práctica

O vindeiro fin de semana, 14 e 15 de outubro, terá lugar na localidade francesa de Cassia, o Campionato do Mundo de Caza Práctica no que o lucense Andrés Pena con “Jana de Bosende” formará parte da Selección Española na categoría de Continentais.

Andrés Pena accede a este Campionato do Mundo a través da participación en 6 probas selectivas, 4 delas organizadas polos Clubs Bretón, Pointer, Braco Alemán e Setter e dúas a través da Real Federación Española de Caza, en total 12 días de dura competición disputados na provincia de Toledo sobre caza salvaxe.

A selección española estará integrada por 4 titulares e 1 reserva, Pena Vázquez quedou clasificado como 2º titular debido as excelentes puntuacións acadadas en ditas probas.

“Jana de Bosende” tamén foi seleccionada para a participación no Campionato de Europa de Caza Práctica na categoría de continentais despois da participación nas 6 probas citadas anteriormente máis a Copa de España de Caza Práctica.

Con estas clasificacións, Andrés Pena Vázquez agranda máis si cabe o seu amplo palmares despois de moitos anos no mundo da competición. A Federación Galega de Caza quere amosar a súa satisfacción polos éxitos acadados polo cazador lucense, desexándolle toda a sorte para estas próximos citas.