Na fase autonómica participaron un total de 56 tiradores das 4 provincias galegas
Na xornada de onte día 3 de xuño, disputouse nas instalacións da Sociedade Deportiva Río Sar o Campionato Galego de Compak Sporting organizado pola Federación Galega de Caza en colaboración con dita Sociedade.
O campo de tiro Río Sar vestiuse de gala na xornada de onte para acoller unha edición máis da fase final do Campionato Galego de Compak Sporting que se disputou a 150 pratos en seis canchas e con traxectorias de diferente dificultade.
Foi o tirador coruñés Antonio Iglesias Otero o que subiu o mais alto do podio o escachar 135 pratos converténdose deste xeito no novo Campión Galego da especialidade. O tamén tirador da provincia de A Coruña, Daniel Cebreiro García acadou o subcampionato con 128 pratos namentres que completaba o podio o pontevedrés Martín Baqueiro Villafines con 126 pratos escachados.
Na categoría de veteranos impoñíase representante da provincia de Pontevedra Gabino Villamor Vázquez con 112 pratos e na categoría de Handisport o gañador era o lucense Artemio Formoso Barro con 111 pratos escachados.
Na entrega de premios mencionar a presenza de Jos Antonio Pena, Delegado de Compak Sporting e RRCC da FGC, Javier Nogueira, presidente da Federación Galega de Caza e Carlos Gómez Subdirector da Secretaría Xeral para o Deporte da Xunta de Galicia.
Os cinco tiradores mencionados anteriormente conformarán a representación galega para o vindeiro Campionato de España de Compak Sporting que se disputará o vindeiro fin de semana na comunidade valenciana.
