Volver ao inicio
Inicio Calendario Buscar Contacto

Novas
Imprimir
LEI DE CAZA
A Consellería cambia a redacción dos artigos máis controvertidos
27/6/2013

As últimas negociacións co Conselleiro de Medio Ambiente e co representante parlamentario do Grupo Popular foron decisivas.

Tras uns meses de duras e intensas negociacións coa Consellería de Medio Ambiente, e con representantes dos diferentes grupos parlamentarios, o último texto do Anteproxecto da Lei de Caza de Galicia co que está a traballar a Consellería nos últimos días incorpora boa parte das achegas federativas, principalmente na “responsabilidade por danos” onde a nova redacción recolle, entroutros, que no caso dos danos a cultivos  responderá o titular do tecor salvo que exista culpa ou neglixencia do prexudicado ou dun terceiro; o novo texto establece como novidade que o prexudicado, tanto nos accidentes de circulación como nos cultivos, debe comunica-lo sinistro ao titular do terreo cinexético para que este poida efectuala súa valoración, esta redacción proposta pola FGC é fundamental para a defensa das sociedades de caza nos procesos xudiciais.

No artigo referente á “vixiancia cinexética” tamén se tivo en conta a proposta da FGC e suprimíronse as excesivas competencias que a Lei atribuía aos axentes forestais, entroutros, acceder e entrar libremente, en calquera momento e sen aviso previo, en todo tipo de terreos e instalacións, tomar ou sacar mostras de substancias e materias, realizar vídeos, obter fotografías, gravar imaxes, etc.

E por último, no relativo ás “zonas de seguridade” as vías públicas quedan acoutadas a aquelas que estean debidamente sinalizadas, sen embargo, a pesar de que unha correcta interpretación deste artigo deixa claro que os carreiros e camiños pouco transitados non serían vías públicas debidamente sinalizadas e por tanto tampouco serían zonas de seguridade, a FGC pretende que se vaia máis aló, e que por parte da Consellería se dean instrucións concretas neste senso aos servizos de vixiancia para unha correcta interpretación deste apartado.

A Federación Galega de Caza avalía positivamente a nova redacción dos artigos anteriores, que foron os que causaron máis polémica, pero seguirá insistindo noutros retoques durante a tramitación parlamentaria.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

TAMÉN PARA COVID-19
17/02/2021
Publicadas as axudas para o desenvolvemento de actividades deportivas

ABERTO PRAZO DE SOLICITUDES
02/02/2021
Axudas para fomento da riqueza e xestión dos recursos cinexéticos

LOBO / OSO / XABARIL
12/01/2021
Publicada a orde de axudas para a prevención dos danos que causan determinadas especies de fauna silvestre

DEPORTE FEDERADO
20/11/2020
Cambio de interpretación da Secretaría Xeral para o Deporte


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza