Volver ao inicio
Inicio Calendario Buscar Contacto

Novas
Imprimir
SILVESTRISMO
Abundante participación no Provincial de A Coruña disputado en Narón
20/4/2011

Disputouse nas categorías de Pardillo Adulto e Novel, Xílgaro Adulto e Novel,  Verderón e Mixtos de Pardillo e, Xílgaro

O campo de fútbol “Río Seco” de Narón foi o escenario seleccionado para acoller o pasado sábado, 17 de abril, do Campionato Provincial de Silvestrismo de A Coruña, que organizaba a Federación Galega de Caza na Coruña en colaboración coa Sociedade Deportiva “A Faísca”.

Un ano máis amosábase a crecente afección a esta modalidade, que contaba cunha excelente participación en tódalas categorías nas que se disputaba a proba.

Na categoría de pardillo novel, o gañador da proba era Camilo Taboada Piñeiro, que acadaba 28 puntos, mentres que no segundo posto remataba Miguel Ángel Ares Ares, con 24 puntos. Arturo Porta Taibo era o terceiro clasificado ao acadar 22 puntos.

Na categoría de pardillo adulto vencía Arturo Porta Taibo cun total de 35 puntos, 10 puntos por diante do segundo clasificado, Serafín Corral Vázquez, quen con outro dos seus paxaros acadaba tamén o terceiro posto con 15 puntos.

En xílgaro novel o gañador, con 48 puntos, era Ricardo Díaz Fernández mentres que o segundo e o terceiro posto eran para Juan José Luis Pita García, que acadaba respectivamente 37 e 34 puntos con dous dos seus paxaros cantores.

O gañador na categoría de xílgaro adulto era para Alejandro Freire Sánchez, que acadaba 55 puntos. Alfredo J. Vidal Fernández era o segundo clasificado con 30 puntos, mentres que Juan José Luis Pita García remataba no terceiro posto con 28 puntos.

Na categoría de mixto de xílgaro vencía Miguel Ángel Ares Ares cun total de 96 puntos, superando a José Iván Aneiros Fernández que remataba segundo con 75 puntos. A tan só un punto, o terceiro posto da proba era para José M. Rodríguez Costas, participante da provincia de Pontevedra. O terceiro clasificado provincial era pois Juan Pico Pico, con 66 puntos.

Miguel Ángel Ares Ares gañaba tamén na categoría de mixto de pardillo, con dous paxaros que remataban empatados no primeiro posto con 31 puntos. O terceiro posto era para Francisco Javier Porta Yáñez, con 20 puntos.

Finalmente, a categoría de verderón tiña como gañador a Juan Manuel Souto Rico, que gañaba a pesares do empate a 30 puntos con Pedro Fernández Jiménez, quen tamén remataba no terceiro posto con outro dos seus paxaros, que acadaba 28 puntos.
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL CORUÑA SAN HUBERTO
25/03/2024
Juan José Canosa e Lidia Almeida campións provinciais en Xallas

PROVINCIAL PONTEVEDRA RRCC
25/03/2024
Blanco Puertas novo campión provincial de pontevedra de percorridos de caza

PROBA XABARIL MEIRA
25/03/2024
O asturiano Luciano Lago con “Rodolfo” gañadores en Meira

XABARIL SALVAXE TRAILLA RIANXO
17/03/2024
Rubén Gómez con “Sil” e o junior Samuel Fernández con “Jara” foron os campións da proba sobre xabaril salvaxe en Rianxo


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza