Inicio Calendario Buscar Contacto

Novas
Imprimir Enviar por email
RASTRO XABARIL
Pedro Ramos, con “Falco”, é o novo campión galego
18/7/2011

O pasado domingo día 17 de xullo, tivo lugar no Tecor Medio Eume, sito no concello coruñés de As Pontes, a XVI edición do Campionato Galego de Cans de Rastro Atrelados modalidade xabaril, organizado pola Federación Galega de Caza en colaboración coa Sociedade de Cazadores Medio Eume.

Un total de 35 monteiros cos seus respectivos cans, clasificados nos seus campionatos provinciais máis o campión galego da edición anterior e os tres primeiros clasificados de Copa Galicia da modalidade, déronse cita a primeira hora da mañá no local social de dita sociedade de caza.

Dende alí, monteiros, organización, xuíces e numeroso público desprazáronse rumbo os montes de Ribadeume para levar a cabo a fase clasificatoria dividida en dous campos. Esta fase da proba desenrolouse nuns terreos moi homoxéneos conformados por plantacións novas de eucaliptais sen maleza que foron máis que axeitados para disputa deste tipo de probas.

A medía mañá, e unha vez rematados os turnos de participación, os asistentes disfrutaron do pincho campeiro, momento este que o equipo de xuíces formado por Raúl Cartea Eirós, Antonio Bello Giz, José Manuel Pita Santalla e Santiago Vigo Casavella  deron a coñecer a través do director da Proba Manuel Martínez Casal os 12 monteiros, 6 de cada campo, que pasarían para a fase final deste campionato autonómico.

A fase final, desenrolouse sobre un terreo moi similar o da fase clasificatoria pero que lle houbo que engadir unha maior antigüidade do rastro que coa ausencia de “roce” do suído na inexistente maleza, fixo que cans e monteiros tiveran que facer gala do seu bo facer coa traela. E foi o xove monteiro, pero curtido nestas lides, Pedro Ramos Casas o que con “Falco” e un total de 260 puntos se adxudicara con esta decimosexta edición do Campionato Galego de Cans de Rastro Atrelados modalidade xabaril. O subcampionato recaeu no pontevedrés Francisco J. Rodeiro Eiras con “Sil” e un total de 257 puntos. Completou o podio Carlos Arnoso García con “Chino” en un total de 254,5 puntos.

Estes tres primeiros clasificados, xunto con José Pereira Ramos, Cándido Picón Domínguez,  José Pedre Pernas e José Otero Alonso conforman o grupo de monteiros que representarán a Galicia no vindeiro Campionato de España da especialidade que se disputará os días 29 e 30 de xullo no concello asturiano de Navia.

 

GALERIA DE FOTOS:

XVI Campionato Galego de Rastro de Xabaril
 
Ver máis novas de
Competicións | Federación | Eventos | Lexislación | Medio Rural / Forestal
 
Máis novas nesta categoría

RASTRO DE XABARIL
6/7/2015
O monteiro Francisco Rodeiro revalida o título autonómico

RASTRO XABARIL CORUÑA
30/6/2015
José Luis Iglesias con “Cañón” campión provincial

CANS PARADA PONTEVEDRA
29/6/2015
"Fabri" de Roberto Dopico en británicos e "Aris" de José Vicente Cortés en Continentais foron os mellores en Gondomar

RASTRO XABARIL OURENSE
23/6/2015
Jesús Ares con "Olé", campión provincial e Francisco Rodeiro con "Cho", gañador da proba


Federación Galega de Caza  
Estadio Multiusos de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza