A pasada fin de semana a localidade toledana de Fuensalida, acollía de vixésima edición do Campionato de España de Cans de Parada, selectiva para o Campionato do Mundo, na que participaba a selección galega da modalidade, entre os que se atopaba o lucense Andrés Pena Vázquez, que participaba en Razas Continentais coa cadela “Piti”, unha grifón korthals, coa que acadaba un cuarto posto na súa batería, coa clasificación de moi bo, tanto na proba do sábado como na do domingo.

“Coca de Forvwelaz”, unha epagneul bretón, propiedade de cazador de Muros afincado en Pontevedra, Santiago Bas López, que competía por libre, conducida por Manuel Blanco, facíase co título de gañador absoluto da proba do Campionato de España, en Razas Continentais, tras acadar un primeiro e segundo posto da súa batería, coa cualificación de 1º e 2º excelente, respectivamente, na proba do sábado e do domingo.

Na clasificación por Equipos Autonómicos, o da Comunidade Valenciana impoñíase como campión absoluto en Continentais, mentres que en Británicas o título era para Navarra.

Na clasificación de Seleccións Autonómicas, Crak del Font de Canaletas, de Javier Núñez (Castela e León), en Continentais, e Dori de la Onsella conducido por José Luís Sanz (Navarra) en Británicos serían os novos campións de España, este último tamén se facía co título de gañador da proba do Campionato de España.