O auditorio Gustavo Freire de Lugo acollía no día de onte a sétima edición dos Premios ao Deporte Lucense, que cada ano organiza o xornal El Progreso.

Estes premios recoñecen cada ano aos mellores deportistas da provincia de Lugo en tódalas disciplinas. En caza, foi a arqueira monfortina María Luísa Rodríguez a que resultou favorita das votacións, cun total de 1655 votos. O seu exitoso ano 2011, cun Campionato de España e un Subcampionato Galego de Percorridos de Caza con Arco valéronlle o recoñecemento como unha das mellores deportistas lucenses do ano.

Outra deportista cinexética lucense como a ex -campiona de España de San Huberto Ana Isabel Arbiol foi segunda nas votacións.