No día de hoxe, 10 de setembro, a Federación Galega de Caza representada polo Secretario Xeral, José Moure, e o presidente provincial de Ourense, Antonio Reinoso, mantiveron unha reunión co Subdirector de Espazos Naturais da Consellería de Medio Ambiente, Tomás Fernández, intervindo tamén persoal administrativo da federación e enxeñeiros forestais colaboradores da FGC. Unha xuntanza centrada exclusivamente na liña de axudas publicadas pola Consellería de Medio Ambiente para paliar os danos nos terreos cinexéticamente ordenados provocados polos incendios.

No transcurso da mesma analizouse, polo miúdo, o obxecto das axudas así como o alcance da mesma, aclarando dúbidas e poñendo enriba da mesa diferentes aportacións que dende o ente federativo considera aconsellables para un maior beneficio na recuperación de hábitats e infraestruturas. Mencionamos algún dos puntos de interese:

- Moi importante axilizar o trámite da solicitude xa que o prazo remata o 30 de setembro

- O período de execución das actuacións de recuperación de danos nas infraestruturas e hábitats esténdese ata o mes de outubro de 2026

A FGC informa que está a disposición daquelas sociedades federadas afectadas e que desexen optar a esta liña compensatoria realizando a súa tramitación totalmente gratuíta, incluído o soporte técnico e asesoramento.