POSIBILIDADE DE ASISTENCIA ONLINE - 24 DE FEBREIRO DE 2026
A xornada "O control de armas de caza e de tiro deportivo” ofrece unha visión integral sobre a regulación vixente, destacando o papel esencial da Garda Civil (Intervención de Armas e Explosivos) na xestión de licenzas e a seguridade cidadá. A través de dous paneis especializados, abordaranse diferentes perspectivas: desde as novidades na normativa, ata as boas prácticas no ámbito federativo e cinexético.
Obxectivos:
- Difundir e actualizar coñecementos sobre a normativa actual de armas e o papel da Garda Civil no seu control administrativo e operativo.
- Analizar os mecanismos de prevención de accidentes e seguridade no manexo de armas deportivas e de caza.
- Fomentar o intercambio de coñecemento entre a Administración, as federacións deportivas, armeiros e usuarios.
- Sensibilizar ao colectivo de tiradores e cazadores sobre a importancia da custodia responsable e a prevención do tráfico ilícito.
Persoal ao que vai dirixido:
Esta xornada está dirixida á cidadanía en xeral e, en concreto, a:
- Federados en Tiro Olímpico e Caza, deportistas e propietarios de armas.
- Armeiros, instrutores de tiro, e persoal de seguridade privada.
- Estudantes universitarios de Dereito, Criminología e Seguridade.
- Público xeral con interese na normativa de armas e a seguridade pública.
- Membros da Garda Civil, especialmente da especialidade de Intervención de Armas e Explosivos (ICAE).
Participación:
Asistencia presencial exclusivamente con invitación.
Pode asistir en liña de forma gratuíta ESCANEANDO O CÓDIGO QR DA IMAXE
