O pasado 9 de maio disputábase no Campo de tiro eventual “Alto do Picato” en Guntín, o Campionato Provincial de Lugo de Compak Sporting, organizado pola Federación Galega de Caza en Lugo en colaboración coa Sociedade de Caza  “O Picato”.

O gañador absoluto da proba, que se disputaba sobre 50 pratos, e tras un desempate, era o tirador da provincia de Pontevedra José A. Vasconcellos Vicente con 44 pratos escachados, que participaba por libre. O segundo clasificado era Jorge Vázquez Iglesias quen tamén escachaba 44 pratos, primeiro da provincia e polo tanto Campión Provincial. O terceiro posto era para Artemio Formoso Barro, que remataba a proba con 41 pratos escachados. Na categoría veteranos o gañador era José Mª González Rodríguez, con 32 pratos escachados.

CLASIFICACIÓN OFICIAL ABSOLUTA
Pos	Tirador	Cat	Pratos
1º	Jorge Vázquez Iglesias	S	44
2º	Artemio Formoso Barro	S	41
3º	José González Yáñez	S	39
4º	José López Abeledo	S	38
5º	Vicente Insua López	S	37