Campionato Provincial de Percorridos de Caza de Pontevedra

Na xornada de onte 13 de abril, no Campo de Tiro Fronteiriñas, celebrouse unha edición máis da fase provincial de Pontevedra da disciplina de Percorridos de Caza; organizado pola Federación Galega de Caza en Pontevedra e contando coa colaboración da Clube de Tiro Fronteiriñas.

Á proba acudiron un total de 38 tirados, de diferentes provincias ao ser de carácter aberto, e foron xulgados polos árbitros Moisés Balboa Pereira, Rubén Boquete Varela, Cesar Tosar González e José Antonio Carrera Rodríguez.

Rematada a proba a clasificación nas diferentes categorías remataba así:
Na categoría Xeral Absoluta o gañador era Daniel Cebreiro García de A Coruña con 92 pratos escachados. Roberto Rodríguez Fernández de Pontevedra facíase co segundo posto con 89 pratos derribados e polo tanto converténdose no novo campión provincial da especialidade. Tamén de A Coruña, o tirador Antonio Iglesias Otero adxudicábase o terceiro posto con 88 pratos.

Na categoría de Veteranos Jaime Vilas Pereira con 81 pratos era o campión namentres que Edelmiro Castro Hermida acadaba o segundo posto con 80 pratos. Completaba o podio José Carlos Álvarez Pazo con 77 pratos.

E para rematar, Daniel Vicente Pintus era o campión Junior con 63 pratos escachados.