A localidade de El Rebollar, en Valladolid, acollerá os vindeiros 7 e 8 de xuño a primeira edición da Copa Mutuasport de Percorridos de Caza, unha competición de carácter nacional impulsada pola Mutua de seguros e que pretende establecerse como proba de referencia a nivel nacional.
A competición, que se desenvolverá no complexo cinexético Faustino Alonso da Federación de Caza de Castela e León, abarcará dúas xornadas: a primeira, do 7 de xuño, realizarase sobre 100 pratos, mentres que a do domingo realizarase a 50 pratos máis 25 das eliminatorias. Ademais, repartiranse numerosos premios que asegurarán a moitos participantes recibir algún agasallo, que irán dende o trofeo e escopeta para os primeiros de cada categoría ata caixas de cartuchos, pasando por lotes de xamón, queixo e outros agasallos.
Ademáis de nas categorías de Senior, Damas, Veteranos, Superveteranos e Junior, tamén se poderá participar por equipos, ben sexa autonómicos, formados por catro deportistas, ou por clubs, formados por tres deportistas. O obxectivo é aumentar a competitividade da proba.
Previas á competición haberá dúas xornadas de adestramentos para aqueles deportistas que desexen familiarizarse co campo de tiro que se celebrarán os días 5 e 6 de xuño.
