Campionato Provincial de Caza de Raposo de A Coruña

Organizado pola Federación Galega de Caza en A Coruña o pasado 9 de xaneiro desputábase unha das probas máis destacadas de dita Federación provincial polo número de cazadores que congrega. Nesta ocasión ata 440 cazadores se citaron neste Campionato Provincial de Caza de Raposo.

O mal tempo non amedrentou aos cazadores que gozaron dunha dura xornada de caza na que avistaron un total de 36 raposos e conseguiron abater 18.

Foi o equipo “Raposeiros de San Mamed” o que obtivo o título de Campión Provincial cun total de 1.000 puntos. Co mesmo número de puntos remaban os equipos “Raposeiros do Castro” e “O Axexo” en segunda e terceira posición respectivamente.

A estes tres primeiros clasificados acompañaraos o equipo “Bordeando” conformando a selección que representará A Coruña no vindeiro Campionato Galego de Caza de Raposo.

Durante a entrega de trofeos, tivo lugar unha emotiva homenaxe a Avelino Vázquez, xefe de cuadrilla os últimos anos de Os Raposeiros do Castro, segundos clasificados.

Un xantar de confraternidade e a entrega de trofeos por parte das autoridades alí presentes puxo o punto e final a esta edición provincial de Caza de Raposo.