PROVINCIAL LUGO DE XABARIL
Martín Martínez con “Camarón” foi o campión provincial e Antonio Sánchez con “Diésel” o campión da proba
29/05/2021

XXII Campionato Provincial de Lugo de Cans de Rastro Atraelados modalidade Xabaril

Dentro do programa de competicións cinexético deportivas da XXIV Festa da Caza de Lugo celebrouse, o pasado sábado 29 de maio, o Campionato Provincial de Lugo de Cans de Rastro Atraelados modalidade Xabaril no que participaron preto de 30 cans e monteiros.

Unha proba organizada pola Federación Galega de Caza en Lugo e que contou coa colaboración da Sociedade de Cazadores San Nicolás, sendo puntuable para a Copa Galicia da especialidade e tamén clasificatoria para o autonómico da modalidade que se desputará o vindeiro 12 de xuño.

O monteiro Antonio Sánchez Sexto foi o mellor clasificado do campo par na fase clasificatoría e tamén o de maior puntuación na fase final acadando un total de 270 puntos co can “Diésel” e sendo deste xeito o campión da proba. O lucense Martín Martínez García co can “Camarón” era o segundo clasificado con 268 puntos e converténdose no novo campión provincial de lugo da especialidade. Compretou o podio o tamén lucense Luis Otero Alonso con “Turco” e 264 puntos.

Antes da entrega de premios os xuíces presentes destacaron o alto nivel e calidade dos cans presentados así como a deportividade de todos os monteiros. O Director da Proba, Jaime González, daba a coñecer o listado de participantes que compoñen a selección lucense para o autonómico, sendo os seguintes: Martín Martínez, Luis Otero, Jorge Cid, Michael Otero, Eladio Basanta, Iván López, Joaquin Cordido, José Quintela, Camilo Cabodevila e Manuel Jesús Fernández.

Este Campionato contou co patrocinio da Secretaría Xeral para o Deporte, Proyecta Galicia e Mutuasport.