CANS DE RASTRO SOBRE LEBRE |
O lote propiedade de Diego Gay resultou campión da III proba de lebre |
08/05/2023 |
III Proba de Cans de Rastro sobre Lebre No día de onte, domingo 8 de maio, chegaba unha cita moi agardada para os apaixoados dos cans de rastro sobre lebre, nada menos que a III edición desta proba sobre Lebre que, novamente, contou coa organización da Federación Galega de Caza na Coruña e á colaboración, esencial, dos acoutados das sociedades de caza Halcón de Mazaricos e Cinexética Carnotana. Sociedades que puxeron os seus terreos dos Tecores “Halcón” e “O Horreo" para que os participantes e cans desfrutasen dunha gran xornada cinexético deportiva. Foi o cazador Diego Gay Varela o que co seu lote de beagles obtiña o primeiro posto da clasificación xeral con 120 puntos. O segundo posto foi para José Javier Suárez Rama que tamen cun lote de beagles acadou a puntuación de 113 puntos e o situaba na segunda posición. O bronce foi para o lote propiedade de Daniel Vilas Martínez que remataba a tan so un punto do subcampión con 111 puntos. O can de nome “Sony” propiedade de Daniel Vilas Martínez foi galardoado co premio ao Mellor Can da Proba con 130 puntos. Esta proba contou coa colaboración do Concello de Mazaricos e co patrocinio da Secretaría Xeral para o Deporte, Mutuasport, Arion. |