A cuadrilla ‘Rodeiro II’, con tres exemplares capturados, proclamouse Campiona Provincial de Pontevedra de raposo
O pasado 13 de xaneiro, dentro do programa de actividades da ‘III Festa da Caza de Rodeiro’, disputouse o Campionato Provincial de Pontevedra de raposo, que contou cunha participación total de 51 cuadrillas, sumando así 510 participantes entre cazadores e xuíces. A competición levouse a cabo nos tecores das sociedades “RODEIRO”, “FARELO”, “BERTAÑA”, “DOZÓN” e “LALIN”, e contou cunha climatoloxía case primaveral, que favoreceu o bo discurrir da actividade deportiva.