Os pasados 26 e 27 de setembro disputábanse en Poutomillos (Lugo) o Campionato Galego de Percorridos de Caza con Arco e o Campionato Galego de Caza con Arco ao Voo, que organizaba a Federación Galega de Caza en colaboración co Clube “Poutomillos Breogán”.

O sábado 26 disputábase o Campionato Galego de Percorridos de Caza con Arco onde participaban 31 arqueiros.

Na categoría de Arco Asistido o gañador era Jaime Villaverde Balado, que acadaba 138 puntos. Segundo nesta categoría era Antonio Rodríguez Iglesias con 135 puntos e terceiro clasificado Oscar Arias Díaz con 124 puntos. Na categoría de Arco Tradicional o vencedor era Miguel Gómez Cruces, con 68 puntos, sendo subcampión Juan Bandeira con 47 puntos. En “Long Bow” proclamábase campión Oscar Casal Rodas, sendo subcampión Eugenio Casal Rodas e terceiro clasificado Benigno Ruíz.

Na categoría feminina proclamábase Campiona Galega Dolores Bugarín Codeseda, mentres que Yago Arias Lemos facía o propio en categoría junior. Nesta mesma categoría era segundo Isidro Bandeira e terceiro clasificado David Copa. Finalmente na categoría dos máis pequenos, a infantil, o campión era Juan Bandeira, sendo subcampión Rubén Arias e terceiro clasificado Bruno Pacios.

ARCO ASISTIDO Pos CONCURSANTE Puntos 1º Jaime Villaverde Balado 138 2º Antonio Rodríguez Iglesias 135 3º Oscar Arias Díaz 124 4º Carlos Alonso Cabalero 120 5º Francisco Javier Gago Malvido 370		LONG BOW Pos CONCURSANTE Puntos 1º Oscar Casal Rodas   2º Eugenio Casal Rodas   3º Benigno Ruiz   4º José Angel Casal Rodas
ARCO TRADICIONAL Pos CONCURSANTE Puntos 1º Miguel Gómez Cruces 68 2º Juan Bandeira 47		FEMININA Pos CONCURSANTE Puntos 1ª Dolores Bugarín Codeseda 98
JUNIOR Pos CONCURSANTE Puntos 1º Yago Arias Lemos 91 2º Isidro Bandeira 83 3º David Copa 47		INFANTIL Pos CONCURSANTE Puntos 1º Juan Bandeira   2º Rubén Arias   3º Bruno Pacios

O domingo 27 disputábase o Campionato Galego de Caza con Arco ao Voo onde participaban un total de 6 equipos.

O equipo gañador era o formado por José Manuel Arias Vázquez e José Antonio Vázquez Liz do Clube “Poutomillos Breogán” de Lugo. Segundo era o equipo de Benigno Ruiz Pascual e Miguel Gómez Cruces de “Cazarco”. O equipo que remataba no terceiro posto era o formado por Oscar Casal Rodas e Eugenio Casal Rodas, tamén de “Cazarco” de Redondela (Pontevedra).

CAMPIONATO GALEGO DE CAZA CON ARCO AO VOO
Pos	Equipo	Clube / Sociedade	Prov
1º	José Manuel Arias Vázquez José Antonio Vázquez Liz	Poutomillos Breogán	LU
2º	Benigno Ruiz Pascual Miguel Gómez Cruces	Cazarco	PO
3º	Oscar Casal Rodas Eugenio Casal Rodas	Cazarco	PO
4º	Juan Bandeira Autrán Jaime Villaverde Balado	Cazarco	PO
5º	Héctor López López Francisco López López	Poutomillos Breogán	LU