O pasado dia 31 de outubro celebrábase no Tecor da Sociedade de Cazadores Forcarei, o Campionato Provincial de Pontevedra de Caza Menor con Can, organizado pola Federación Galega de Caza en Pontevedra  en colaboración coa Sociedade de Cazadores de Forcarei.

A proba, que se disputaba en boas condicións climatalóxicas, contaba cun total de 26 participantes que representaban ás suas respectivas Sociedades de Caza. Rematada a proba, foi o cazador José A. Vasconcellos Vicente da Sociedade “A Rosaleda” quen, ao capturar unha arcea, se alzaba co Campionato Provincial, cun total de 500 puntos. O segundo clasificado foi Cristobal Cacheda Chouza, da Sociedade “A Lanzada”, que capturaba un coello e polo tanto acadaba 350 puntos. Cristian Pereira Riveiro, da Sociedade “A Tomiñesa” capturaba tamén un coello para rematar terceiro clasificado da competición.

CLASIFICACIÓN
Pos	Cazador	CAPTURAS	Puntos
1º	José A. Vasconcellos Vicente	1 arcea	500
2º	Cristobal Cacheda Chouza	1 coello	350
3º	Cristian Pereira Riveiro	1 coello	350
4º	Rubén Rozados Espiña	1 coello	350
5º	Eduardo Vicente Estévez	1 coello	350

Os seguintes cazadores clasifícanse para o Campionato Galego da modalidade: José A. Vasconcellos Vicente, Cristóbal Cacheda Chouza, Cristian Pereira Riveiro , Rubén Rozados Espiña, Eduardo Vicente Estévez e Carlos Vicente Melo.