O concello lucense de Outeiro de Rei acollía o pasado 27 de novembro o vixésimo cuarto Campionato Galego de Caza Menor, que organizaba a Federación Galega de Caza en colaboración coa Sociedade Santa Isabel.

Participaban os 21 cazadores clasificados para este Campionato (6 pola Coruña, 5 por Lugo, 4 por Ourense, 6 por Pontevedra), mailo Campión da edición anterior. A proba desenrolouse nuns terreos con abundante caza, o que propiciou unha intensa xornada cinexética.

Rematada a proba era o cazador lucense da Sociedade Carvallido-Bóveda, Bernardo Traseira Rois, quen resultaba gañador e Campión Galego ao capturar 3 pezas e acadar 1510 puntos. O segundo clasificado era o participante da Sociedade de Trazo, de A Coruña, Manuel Mariño Boquete, con 2 pezas e 1020 puntos. Finalmente era Valentín Álvarez Expósito, da Sociedade Tomiñesa de Pontevedra, quen con 2 pezas e 1000 puntos remataba no terceiro posto.

Pos	Participante	Punt.
1º	Bernardo Traseira Rois	1510
2º	Manuel Mariño Boquete	1020
3º	Valentín Álvarez Expósito	1000
4º	Rubén Boquete Varela	950
5º	Jorge Vázquez Iglesias	800