O pasado fin de semana, o tecor ourensano da sociedade de cazadores de Xinzo de Límia, acollía a final do Campionato Galego de Caza de Arceas, no que tomaban parte os 21 mellores cazadores galegos da modalidade, previamente clasificados nos seus respectivos campionatos provinciais.

O cazador da sociedade de Xuvia, Marcos Lorenzo, que competía co setter inglés Coca, proclamábase vencedor absoluto con 2 arceas.

Segundo foi Miguel López, da sociedade de Coristanco, coa setter Lúa, que chegaba ao control cunha arcea. Co mesmo número de pezas, clasificábase, en terceiro lugar, Ignacio Dopico, da sociedade San Sadurniño, que participaba co can Naca; seguido no cuarto posto por Jaime Pintos, da sociedade Vilar de Barrio ,que competía con Bosque, de raza setter inglés.

Os tres primeiros clasificados representarán a Galicia no Campionato de España, que precisamente se disputará nesta Comunidade, no vindeiro mes de xaneiro.

A organización correu a cargo da Federación Galega de Caza, en colaboración coa sociedade de cazadores de Xinzo de Límia.

Pos	Participante	Punt.
1º	Marcos Lorenzo Martínez	1000
2º	Miguel López García	500
3º	Ignacio Dopico García	500
4º	Jaime Pintos Davila	500
5º	Ramiro Lamas Vilanova	500