Participaron un total de 31 cans

Completando o fin de semana por terras ourensás, na xornada dominical de onte día 8 de maio, e baixo unhas condición disputábase no Tecor de Xinzo de Limia o Campionato Provincial de Ourense de Cans de Parada, organizado pola Federación Galega de Caza en Ourense coa colaboración da Sociedade de Cazadores de dito Tecor.

Ata un total de 31 cans fixeron a súa presentación en dita proba, 25 deles pertencentes a razas británicas e 6 a continentais; dando moito traballo e poñendo as cousas moi difíciles os xuíces Esteban Cambón Bertoa e Marcial Ramil Hermida.

Entre tanta participación, e na categoría de razas británicas, foi o ourensá Iván López López con “Sela de Bosende” (SIH) a que sacaba mellor tallada e acadaba unha cualificación de Exc. 1º, converténdose no novo Campión Provincial da modalidade. A cualificación de Moi Bo 2º foi lograda polo lucense Carlos Arteche Castillo con “Breco” (SIM). E xa completaba o podio tamén Iván López López con “Manyara da Xeara” (SIH) e unha valoración de Moi Bo 3º.

No referente a razas continentais, a existencia de faltas eliminatorias por parte das presentacións de ditos cans fixo que ningún deles obtivera cualificación.