Francisco Rodeiro foi o gañador da proba Coriscada 2011

O pasado 11 de xuño tivo lugar en Ortigueira a “Coriscada 2011” unha das probas pioneiras de Cans de Rastro Atrelados modalidade Xabaril puntuable para a Copa Galicia e que nesta edición convertíase tamén no Campionato Provincial de A Coruña da especialidade; todo elo baixo a organización da Federación Galega de Caza en A Coruña coa colaboración da Sociedade de Cazadores do Ortegal e Armería Galega de Viveiro.

Ata un total de 56 cans correspondentes a 45 monteiros dividíanse en tres campos na fase clasificatoria e 18 accederían a fase final; todos eles xulgados por José Manuel Pita Santalla, Alfonso Collazo Pasín e Raúl Cartea Eiros, actuando como auxiliares Guillermo Barreira Folgueira, Joaquín Fernández Guerreiro e Jesús Blanco García.

A proba discorreu sen imprevistos e baixo unhas boas condicións climáticas para a fixación do rastro que xunto co excelente nivel dos cans e monteiros participantes fixo as delicias do numeroso público presente.

No máis alto da clasificación situouse Francisco Rodeiro Eiras con “Sil” é 257,5 puntos. Foi o asturiano Casimiro González Alonso con “Cho” o que con 251 puntos acadou o subcampionato. A terceira posición recaeu no lucense Francisco Rey Urrutia que con “Capi” obtivo 249,5 puntos. Repetiu o Asturiano Casimiro González na cuarta posición con “Jas” é 237,5 puntos. O excampión de España da modalidade e tamén asturiano Adrián Alonzo García acadou a 6 e 7 posición con “Roy” e “Zara” respectivamente. O xove monteiro José Otero Alonso fíxose coa oitava posición con “Turbo” e 213,5 puntos. Ata o noveno posto da clasificación xeral houbo que acceder para coñecer o Campión Provincial da modalidade, que neste caso recaeu en José Pereira Ramos con “Che” obtendo un total de 212 puntos.