Ante o fatal accidente ocorrido a pasada fin de semana en Ortigueira (A Coruña), no que faleceu o cazador Ramón Lamelas Pumar; e o sinistro ocorrido en Corvelle e Calvelos (Ourense) no que resultou tamén lesionado o cazador Bartolomé Fernández Alonso, que se recupera favorablemente no Hospital Clínico de Ourense, a Federación Galega de caza lamenta profundamente estes sucesos, e tras transmitir o seu pesar á familia e aos compañeiros do cazador falecido, e desexar unha pronta recuperación ao cazador accidentado en Ourense, pide a tódolos cazadores galegos que extremen ao máximo as medidas de seguridade no exercicio da caza, e aproveita, unha vez máis, para lembrar as medidas de seguridade que deben adoptarse, xa que a seguridade na caza depende en gran medida das precaucións que cada un tome.

Recomendacións:

• Descargar as armas antes de manipulalas.
• Respectar as normas de seguridade establecidas, con especial atención nos ganchos e monterías
• Descargar la arma cando se salte un valado, un cercado, e mesmo ao atravesar un regato ou cando camiñemos por lugares con risco de esbarar ou caer.
• Antes de efectuar o disparo comprobar que non se atopa ninguén dentro do campo de acción.
• Disparar cara ao chan, e nunca por enriba da liña do monte.
• Non disparar sen asegurarse previamente que se trata dunha peza de caza
• Descargar as armas unha vez rematada a cacería
• Dirixir os canos das armas cara ao chan ou ao ceo tanto ao cargalas como ao descargalas.
• O uso de chalecos reflictantes ou roupa de cores vivas aumenta a visibilidade e proporciona seguridade.
• No caso dos ganchos e monterías, as normas de seguridade mesmo deben ser máis estritas, si cabe, que na caza menor, por iso é sumamente importante sinalizar que se está a celebrar unha cacería, e acatar as ordes do responsable de cacería, que é a  persoa encargada de organizar os cazadores durante o seu desenvolvemento, cuxas instrucións deberán obedecer tódolos cazadores participantes.
• Na caza maior, o uso de emisoras proporciona seguridade e facilita a colocación e localización de cazadores e cans