PREMIOS DEPORTE GALEGO
Candidatos cinexéticos aos Premios do Deporte Galego 2010-2011
15/12/2011

Con motivo da convocatoria dos Premios ao Deporte Galego da tempada 2010-2011 da Secretaría Xeral para o Deporte, a Federación Galega de Caza ven de propoñer a esta institución os seus candidatos para a presente edición.

O obxectivo destes premios é recoñecer a aquelas persoas, entidades, clubs, empresas, medios de comunicación, etc., que se teñen implicado no progreso do deporte na comunidade galega. Como federación deportiva galega, a FGC ten a responsabilidade de elixir aos seus candidatos a estes importantes premios.

É de recibo destacar a excelente actuación de tódolos deportistas cinexéticos galegos nesta tempada onde se acadaron multitude de medallas a nivel nacional e internacional en diversas disciplinas, o que pon de relevo a excelente forma na que se atopan os nosos deportistas, así como a dificultade para escoller aos mellores candidatos en cada apartado.

Así pois, repasados tódolos resultados desta pasada tempada, a Federación Galega de Caza decidiu propoñer aos seguintes deportistas:

Mellor Deportista Feminina
            DNA. MARIA LUÍSA RODRÍGUEZ RODRÍGUEZ
            Campiona Galega e de España de Percorridos de Caza con Arco, na categoría de Arco Asistido

Mellor Deportista Masculino
            D. ÁNGEL MOSQUERA RODRÍGUEZ
           
Campión Galego e de España de Compak Sporting e de Percorridos de Caza, na categoría Superveteranos

Mellor Deportista Masculino Discapacitado
            D. ARTEMIO FORMOSO BARRO
            Campión Galego e de España de Compak Sporting e de Percorridos de Caza, ademais de Campión do Mundo de Compak Sporting, na categoría de Handisport

Mellor Equipo Feminino
            EQUIPO FEMININO SOCIEDADE CAZARCO
            Campión Galego e de España de Percorridos de Caza con Arco, nas categorías de Arco Asistido e Arco Tradicional

Mellor Equipo Masculino
            CUADRILLA SAN SALVADOR DE ESCUADRO
            Subcampión da Copa España de Caza de Raposo

Mellor Árbitro
            D. SERAFÍN FONTENLA FERNÁNDEZ
            Xuíz Internacional de San Huberto e Xuíz Nacional de Cans de Parada

Mellor Labor Informativa
            “RIOS E MONTES” (RADIO GALEGA)
            Programa divulgativo sobre caza e pesca

Mellor Evento Deportivo
            SOCIEDADE DEPORTIVA RIO SAR
            Organizadora do XXXVI Campionato de España de Percorridos de Caza

Patrocinio Deportivo
            FOGA S.L.
            Empresa de solucións informáticas, colaboradora da FGC

Revelación
            D. VICTOR VILLAR FERNÁNDEZ
            Campión de España e do Mundo de San Huberto na categoría Springer Spaniel

Mellor Concello na Promoción do Deporte
            CONCELLO DE PONTE CALDELAS
            Anfitrión e colaborador da Copa España de Caza de Raposo 2011