O pasado sábado 27 de outubro desputouse nos terreos do Tecor “O Farelo” no concello de Agolada, o Campionato Provincial de Pontevedra de Caza Menor con Can organizado pola Federación Galega de Caza en Pontevedra en colaboración con dita Sociedade de Cazadores.

O campionato trascorreu sen imprevistos pero baixo unhas condicións climáticas moi cambiantes xa que se produciu un descenso brusco das temperaturas que dificultaron e lastraron os avistamentos e capturas por parte dos 26 cazadores participantes, apesares de que o terreo tiña caza para que se produxeran máis lances. 

Foi o cazador José Manuel Blanco Cordido o que coa súa cadela “Neska” obtivo o primeiro posto ao chegar ao control cunha perdiz e un faisán que a postre lle serviría para ser o novo campión provincial con 750 puntos. En segunda posición, cun coello, remataba Iván Moure González con 350 puntos. En terceira posición, e tamén cun coelloe, remataba Cristobal Cacheda Chouza con 350 puntos.

No tradicional xantar de irmandade tivo lugar a entrega de premios por parte das autoridades alí presentes entre as que se atopaba Ramiro Varela, alcalde de Agolada, así como directivos da Sociedade de Caza e da FGC en Pontevedra co seu presidente Francisco Couselo ao fronte. 

Acudirán ao Campionato Autonómico da especialidade en representación da provincia de Pontevedra, os tres primeiros clasificados citados anteriormente mais os seguintes cazadores: José Antonio Vasconcellos Vicente e Javier Calvo Simois.