XXVI Campionato Galego de Paxariles desputado en Narón

O pasado 21 de maio, desputouse na AA.VV “O Val” – Narón, o Campionato Galego de Paxariles organizado pola Federación Galega Caza en colaboración coa Sociedade Deportiva A Faisca.

A esta edición número XXVI acudiron un bo número de paxaros, 95 en total, que coa calidade dos seus cantos foron obtendo as respectivas puntuacións. Os paxaros participantes foron divididos nas seguintes plumas: liñaceiro, xílgaro, mixto de liñaceiro, mixto de xílgaro, xílgaro campero, mixto de xílgaro campero,verderolo e mixto de verderolo. Actuando como Director da Competición Miguel Ángel Ares Ares.

Na categoría de Xílgaro foi Ricardo Díaz Fernández o que obtivo o primeiro e segundo posto con 74 e 39 puntos, respectivamente. A terceira posición con 28 puntos foi para María del Pilar Beltrán .

En Mixto de Xílgaro o ouro era para José Sanjuan Maceiras con 99 puntos. A prata era para Maria Aurora Río Pico con 85 puntos e Juan Antonio Veiga remataba en terceira posición con 83 puntos.

Na clasificación de Liñaceiro o primeiro e segundo posto foi para Pablo Brage Piñeiro con 14 e 8 puntos, respectivamente. O terceiro posto era para Jesús Ángel Faraldo Ares con 5 puntos.

En Mixto de Liñaceiro o campión era Jesús Ángel Faraldo Ares con 39 puntos. Co mesmo número de puntos pero en segunda posición remataba Pablo Brage Piñeiro. O terceiro posto era, novamente, para Jesús Ángel Faraldo Ares con 36 puntos.

En Xílgaro Campero o mellor clasificado era Jose Luis Vez Rodríguez que tamén obtiña o segundo posto con 53 e 52 puntos, respectivamente. O bronce era para Ángel Enrique Sanz del Río con 43 puntos.

En Mixto de Xílgaro Campero o campión era Dioniso Ares Babarro con 58 puntos. A prata e o bronce eran para Jose Manuel Couto Buján con 45 e 25 puntos. 

Na categoría de Verderolo o participante María Ángeles Pérez Arcos acadaba o primeiro posto con 31 puntos. Jose Manuel Romero Neira e Pedro Fernández Jiménez remataron en segunda e teceira posición con 24 e 12 puntos, respectivamente.

Na clasificación de Mixto de Verderolo resultaba gañadora María Ángeles Pérez Arcos con 54 puntos. Jose Manuel Romero Neira con 22 puntos acadaba o subcampionato e o terceiro posto da clasificación era para Pedro Fernández Jiménez con 16 puntos. 

Este Campionato contou co patrocinio de: Secretaría Xeral para o Deporte, Proyecta Galicia e Mutuasport.