Que facer en caso de accidente de caza?

Protocolo de actuación en caso de accidente durante a actividade cinexética

Necesita alguén atención médica inmediata?

Chamar ao teléfono de urxencias de Mutuasport para que asignen centro médico de asistencia máis próximo.

917 371 348

Se a urxencia é vital, trasladar inmediatamente ao centro de urxencias máis próximo

Houbo algún dano material?

Recoller datos de contacto do(s) afectado(s), documentación e toda a información posible, para facilitar e axilizar o trámite das indemnizacións correspondentes.

Importante: Anota nome, apelidos, DNI, teléfono, matrícula do vehículo, descrición dos danos e calquera outro dato relevante que poida axudar no trámite.

O dano foi causado por un can?

Tódolos seguros da FGC aseguran o dano causado polos cans que leve o cazador durante a xornada de caza ou adestramento.

Fora da xornada: Para asegurar o dano causado fora da xornada de caza ou adestramento, o can debe estar identificado no seguro mediante un anexo.

Can cedido: Se o can é cedido, debe contarse cun documento de cesión.

Recorda!

Se se extravía un can durante a xornada de caza, denunciar antes de 72 horas, tal como establece a lei, ante as autoridades ou no REGIAC, e comunicar á FGC.

SEMPRE, dar parte do accidente a Mutuasport, a través da Federación Galega de Caza, antes de 7 días.

Contacto Federación Galega de Caza

Teléfono: 981 562 777

Email: federacion@federaciongalegadecaza.com

Voltar ao inicio