A Federación

Atallos rápidos

A Federación é unha entidade deportiva, sen ánimo de lucro, que agrupa a cazadores e sociedades de caza galegos. De acordo cos seus estatutos, cos órganos de representación e governo e co seu organigrama, as súas funcións están claramente estructuradas en dúas grandes áreas: cinexética e competicións. Unha adicada á defensa da caza e dos lexítimos intereses das sociedades de caza e dos cazadores, e outra relacionada coas competicións de caza nas que exerce por delegación funcións públicas de carácter administrativo, actuando nese caso como axente colaborador da Comunidade Autónoma Galega e sendo unha entidade de utilidade pública.

A Federación Galega de Caza como tal ten representatividade en órganos consultivos como: Comités de Caza, Consello Forestal Galego, etc.

A FGC atópase na estructura da Real Federación Española de Caza, formando parte dos seus órganos e exercendo a súa representación na Comunidade Autónoma de Galicia. A través da RFEC está representada noutros órganos supra-autonómicos e mesmo internacionais, como na FACE con representación en órganos Europeos.

A FGC foi constituída en Santiago de Compostela, o 25 de xaneiro de 1985, conforme ao decreto da Xunta de Galicia 228/1994 de 14 de xullo, regulado pola Orde 28-7-1995 da Consellería de Presidencia e Administración Pública. Actualmente ademais dos seus propios estatutos sonlle de aplicación a Lei Xeral do Deporte de Galicia e outras normas que a desenvolven.

• 19.428 cazador@s federad@s de xeito individual, máis da metade d@s cazador@s galeg@s.

• 474 sociedades de caza afiliadas (máis do 90% das sociedades de caza existentes en Galicia), número algo superior aos tecores dos que son titulares as sociedades de caza afiliadas, debido a que algúns teñen titularidade compartida por 2 ou 3 sociedades de caza, e unha ducia adícanse exclusivamente á práctica da cetrería, caza con arco ou silvestrismo e non administran ningún tecor.

A interlocución é un dos grandes éxitos da sociedade moderna, e na caza non podía ser menos. O dialogo implica escoitar, suxerir, valorar para intentar conformar a realidade dende a pluralidade mesmo dende a diversidade. Na Federación tentamos exercitar todos eses conceptos para conformar a nosas liñas de actuación e mesmo a nosa opinión como institución. Entendemos e parécenos saudable que nos foros de debate sobre a caza ou calquera outro asunto medioambiental se conte con opinións plurais. Ao concepto de pluralidade é necesario achegar o de representación. Todos debemos contar, pois formamos parte dunha mesma cadea, pero é de xustiza que cadaquén se mostre na proporción do colectivo que representa, por ecuanimidade e por responsabilidade cara aos representados e afiliados. Defendemos unha caza asentada nunha base social forte e sustentable que cada vez se apoie máis nunha correcta xestión, con base en principios técnicos, e a isto as sociedades de caza e os cazadores galegos responden ano tras ano con cotas máis altas de afiliación. A Federación ten unha clara vocación de ser casa común de todos os cazadores, porque sabemos que é moito máis o que nos une que as diferencias, e cada vez é máis necesario o traballo e o esforzo de todos para conseguir algo mellor cada día para eses cazadores e as súas sociedades de caza, nun mundo cada vez menos tolerante coa actividade cinexética.

A caza en Galicia ten un compoñente social evidente. A case totalidade dos terreos cinexéticos de réxime especial teñen como titulares ás sociedades de caza. Estas deben seguir sendo clave no noso desenvolvemento venatorio. O seu fortalecemento e a súa adaptación aos novos tempos farán que sigan sendo unha base sólida do futuro da caza social na nosa terra.

A concepción actual da caza ten pouco que ver cunha actividade meramente extractiva, senón mais ben cun conxunto de actividades que promoven a conservación e a mellora do medio, para recoller del o excedente que unha natureza coidada pode ofrecer de xeito sostible. Todo isto que se pode chamar xestión cinexética é motivo de análise, estudo, observación e suxerencias por parte da Federación para que esa xestión estea ao servicio da natureza e por tanto dos cazadores e da caza.

Nesta área cinexética, a Federación nos últimos anos dedicou esforzos importantes, sobre todo humanos, para participar e facer achegas que puidesen mellorar a caza ou aspectos relacionados con ela. É mester seguir traballando arreo nestes asuntos, porque como tódalas cousas relacionadas coa natureza son vivas, e cada tempo trae novos problemas aos que hai que buscar solucións válidas; aceptables para os cazadores e dentro do interese xeral.

Os cazadores somos os primeiros interesados na protección, conservación e recuperación do medio natural, porque a vinculación da actividade venatoria co mundo rural é evidente, desenvólvese no campo. Agora máis que antes a caza estase convertendo nun indicador da saúde medioambiental, en función da abundancia das especies. Estas especies e os seus hábitats dependen en gran medida dos impactos que a natureza recibiu, sobre todo polas grandes transformacións producidas na poboación, co abandono do campo e a marcha ás cidades. Esta fuxida levou aparellados profundos cambios nos ecosistemas, polos sistemas de producción, polos cambios de cultivos, pola aparición de grandes zonas de matogueira e bosque,etc. Este éxodo do campo á cidade, non é inocuo dende o punto de vista medioambiental.

Ante isto, os cazadores e outros colectivos vencellados coa natureza deberemos facer unha profunda reflexión.  É posible que a reflexión deba ser da sociedade en xeral, para buscar un novo equilibrio entre desenvolvemento e conservación.

A evolución do liderado da Federación Galega de Caza desde o ano 1987

En cumprimento das obrigas das federacións deportivas galegas derivadas da Lei 1/2016, de 18 de xaneiro, de transparencia e bo goberno, a FGC fai pública a seguinte documentación.

Convenios e subvencións

Convenios Deportes

• 2026
• 2025
• 2024
• 2023
• Adenda 2023
• 2022
• 2021
• 2020
• 2019
• 2018
• 2017
• Adenda 2017
• 2016
• Convenios 2016

Convenios Medio Ambiente

• 2025
• 2024
• 2023
• 2022
• 2021
• 2020
• 2019
• 2018
• 2017
• 2016

Outros Convenios e Subvencións

• Contrato FECAP 2025
• Contrato FECAP 2024
• Contrato FECAP 2023
• Subvencións Deputación da Coruña 2023
• Colaboración Consellería Medio Rural 2023
• Protocolo Consellería do Medio Rural 2018

Orzamentos e contas anuais

Orzamentos

• 2026
• 2025
• 2024
• 2023
• 2022
• 2021
• 2020
• 2019
• 2018
• 2017
• 2016
• 2015

Contas Anuais

• 2024
• 2023
• 2022
• 2021
• 2020
• 2019
• 2018
• 2017
• 2016
• 2015
• 2014

Memorias e auditorías

• Memoria Actividade 2024
• Memoria Actividade 2023
• Memoria Actividade 2022
• Memoria Actividade 2021
• Memoria Actividade formativa 2025
• Memoria Actividade formativa 2024
• Informe auditoría 2023
• Informe auditoría 2019

Xuntanzas Órganos de Goberno

Certificados de acordos

• Xuntanzas Órganos de Goberno 2026
• Xuntanzas Órganos de Goberno 2025
• Xuntanzas Órganos de Goberno 2024
• Xuntanzas Órganos de Goberno 2023
• Xuntanzas Órganos de Goberno 2022
• Xuntanzas Órganos de Goberno 2021
• Xuntanzas Órganos de Goberno 2020
• Xuntanzas Órganos de Goberno 2019
• Xuntanzas Órganos de Goberno 2018

Nesta sección poderá consultar toda a información relativa aos procesos electorais desta Federación.