Volver ao inicio
Inicio Calendario Buscar Contacto

 
MENÚ
¿Qué é o Clube de Descontos?
Últimos descontos
Ver todos os descontos
Ficha de control de calidade
 
OUTROS SERVIZOS WEB
Taboleiro de anuncios
Solicitar licencia federativa
Compartir Caza
A FGC responde
A tua opinión conta
Clube de Descontos
VANTAXES FEDERADOS


Nesta sección atopará todas as ofertas e descontos ofrecidas por diversas casas comerciais a cazadores federados.

Periódicamente engádense novas ofertas polo que lle recomendamos que esté atento a esta sección. Para a sua comodidade pode filtrar por provincia ou tipo de negocio.

Filtrar descontos
Tipo de establecemento

Provincia Poboación

 
¿Qué e o clube de descontos?

Son moitos os eidos nos que a Federación Galega de Caza traballa día a día para aos cazadores galegos, algúns máis burocráticos como representalos e defender os seus dereitos ante Administración e outros colectivos ou realizar achegas que fagan a lexislación máis favorable ao cazador, e outros máis directos como repartir material de seguridade entre as sociedades, ou realizar trámites de licencias e emisoras.

Un proxecto de recente creación, denominado “Clube de Descontos”, achégase máis a este segundo ámbito de axuda ao cazador galego dun modo máis directo e palpable. A Federación Galega de Caza non é allea ao momento económico no que se atopa a sociedade polo que este novo proxecto permitirá ao cazador federado acceder a un cada vez máis amplo catálogo de descontos en todo tipo de empresas e comercios da nosa comunidade.

Pero para profundizar e coñecer máis polo miúdo este “Clube de Descontos” imos conversar co Presidente da Federación Galega de Caza, Javier Nogueira Diz, que de primeira man nos pode aclarar as dúbidas máis comúns sobre este proxecto.

 

  • Javier, ¿en qué consiste o Clube de Descontos e qué vantaxes ten para o Cazador Federado?

É un dos moitos proxectos nos que traballamos dende a Federación para dar o mellor servizo posible aos cazadores. Neste caso trátase de poñer en contacto aos cazadores federados con diversas empresas relacionadas co sector cinexético para achegar as mellores ofertas e descontos nos servizos e productos máis demandados polos cazadores galegos, dende trámites administrativos como permisos de armas ata productos de alimentación para cans, equipamento de caza, etc.

  • ¿O Clube de Descontos só contará con empresas relacionadas co ámbito cinexético, ou poderá adherirse calquera tipo de negocio?

En principio só traballamos con empresas que estén relacionadas directa ou indirectamente coa caza, pero ao contrario do que poida parecer, estamos ante un abanico de posibilidades extremadamente amplo: armerías, psicotécnicos, clínicas veterinarias, tendas de deporte, alimentación canina, hoteis, restaurantes, vehículos...a gama de negocios que poden participar no ámbito cinexético dunha ou doutra maneira é moi extensa.

  • Sen dúbida o Clube é unha grande axuda para o peto dos Cazadores, pero ¿cree que as empresas adheridas poden favorecerse igualmente deste proxecto?

Calquer empresa ou negocio que se precie está na procura constante de novos clientes, e de darlle a máxima publicidade e transcendencia ao seu producto ou servizo. A través do Clube de Descontos da Federación Galega de Caza non só vai a atraer novos clientes senón que vai obter unha promoción moi importante a través das canles de comunicación que a Federación ten ao longo da xeografía galega, extendendo o seu ámbito de influencia e enriquecéndose do prestixio que aporta traballar cunha organización como a Federación.
De feito este interese por parte das empresas no Clube de Descontos xa é palpable nas nosas oficinas, onde estamos a traballar a diario con multitude de negocios interesados adherir as súas ofertas e servizos ao noso catálogo.

  • Agora, poñámonos na pel dun cazador que se achega a un establecemento adherido ao Clube de Descontos, ¿qué precisa para que este desconto se faga efectivo?

É tan sinxelo como levar connosco a nosa Licenza Federativa ou Documento Único –licenza federativa máis seguro do cazador- e presentala no establecemento correspondente. Éste é o noso carné de cazador federado e polo tanto o documento que certifica que pertencemos á Federación Galega de Caza.

  • ¿Cómo poden coñecer os cazadores galegos os negocios ou empresas están adheridos a este Clube, e qué descontos lle ofrecen?

Como calquera información relativa á Federación, temos dispoñibles tódalas canles de información posibles. A máis inmediata é a nosa páxina web, que conta cun apartado que puntualmente se actualiza coas últimas ofertas do Clube, incluíndo toda a información necesaria con respecto ás diversas tarifas que se aplican, a ubicación do negocio que oferta o desconto, os seus medios de contacto, etc. Por suposto en calquera das nosas oficinas no territorio galego, ben en persoa ou ben por teléfono informamos aos interesados das diversas ofertas. E por suposto a través da propia revista, Galicia Cinexética, que cada mes inclúe nas suas páxinas o catálogo de ofertas dispoñibles.

  • Dado que o Clube de Descontos vai poñer moitas empresas e negocios vencellados coa caza en contacto cos cazadores, ¿pensa que pode ser un estímulo para a economía galega esta corrente de oferta e demanda no sector cinexético?

Xa é sabido, como quedou demostrado no noso Estudio Socioeconómico sobre a Caza e o Perfil do Cazador en Galicia, que a caza é un sector que aporta moita riqueza á nosa comunidade, especialmente ao entorno rural. Co Clube de Descontos, pretendemos que este enriquecemento se extenda por toda a xeografía galega, tanto no ámbito rural como no urbán, xenerando conexións entre os cazadores galegos e aquelas empresas que crean productos ou servizos destinados á sua paixón. Esta corrente de oferta e demanda, como ben dis, é favorecedora non só aos cazadores que se benefician das ofertas, senón para as empresas que as ofrecen, e polo tanto ao ámbito no que actúan, creando un dinamismo tan necesario na situación económica actual.



Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza