Lexislación
Épocas hábiles de caza
Épocas hábiles de caza
RESOLUCIÓN do 13 de maio de 2026, da Dirección Xeral de Patrimonio Natural, pola que se determinan as épocas hábiles de caza, as medidas de control por danos e os réximes especiais por especies durante a tempada 2026/27.
Esta resolución determina os períodos hábiles de caza, as especies sobre as cales se poderá exercer, os métodos autorizados para a súa práctica e as limitacións xerais ou particulares que afectarán o exercicio da actividade cinexética no territorio da Comunidade Autónoma de Galicia durante a tempada 2026/27, que abrangue o período comprendido entre o 1 de agosto de 2026 e o 31 de xullo do ano 2027.
RESOLUCIÓN do 16 de xuño de 2026, da Dirección Xeral de Patrimonio Natural, pola que se modifica a Resolución do 13 de maio de 2026 pola que se determinan as épocas hábiles de caza, as medidas de control por danos e os réximes especiais por especies durante a tempada 2026/27.
No número 1 do artigo 5 regúlanse os períodos xerais de adestramento en función do réxime dos terreos cinexéticos, sen facer referencia ao número máximo de cans que pode adestrar simultaneamente unha persoa ou grupo de persoas cazadoras, limitación que se tratou na sesión do Comité Galego de Caza do 26 de marzo de 2026 e que se considera necesaria.
Emerxencia cinexética temporal polo xabaril Vixente ata 31/07/2027
O 30 de xullo de 2026 os catro departamentos territoriais da Consellería de Medio Ambiente e Cambio Climático publicaron sendas resolucións (do 23 de xullo de 2026) que declaran a emerxencia cinexética temporal polo xabaril en toda a superficie de cada provincia (terreos cinexéticos e non cinexéticos), pola incidencia dos danos á agricultura, á gandaría e ao ecosistema, o risco de accidentes de tráfico e o risco sanitario asociado á peste porcina africana (PPA).
Estas resolucións amplían de forma significativa as posibilidades de caza do xabaril fronte ao réxime ordinario recollido no calendario de vedas:
- Durante o período hábil xeral do xabaril (15/08/2026 – 28/02/2027): caza sen límite de exemplares (priorizando femias), en terreos cinexéticos, practicamente todos os días da semana logo de comunicación previa ao departamento territorial, incluíndo esperas nocturnas con dispositivos especiais autorizados e captura en vivo.
- Fóra do período hábil (agosto e marzo–xullo): desencame con cans, batidas disuasorias sen armas, captura en vivo e esperas/axexos.
- Terreos non cinexéticos: require autorización expresa e previa (15 días de antelación) e acreditación dos danos.
- Precinto obrigatorio das pezas abatidas e comunicación dos resultados no prazo de 15 días naturais.
Hai pequenas diferenzas entre provincias (por exemplo, os días concretos habilitados para a modalidade "en man" en zonas libres). Consulte sempre a resolución oficial da súa provincia antes de organizar unha batida ou espera ao abeiro desta emerxencia.
Tempada 2026/27 · do 1 de agosto de 2026 ao 31 de xullo de 2027
O período hábil xeral de caza en Galicia vai do 18 de outubro de 2026 ao 6 de xaneiro de 2027 (xoves, domingos e festivos). Moitas especies teñen ademais épocas específicas de apertura, prórroga ou peche que se detallan a continuación.
Descargar PDF orixinalEste calendario visual é meramente orientativo e xa filtra os días non hábiles (só se marcan xoves, sábados, domingos e festivos segundo corresponda a cada especie e modalidade), pero pode conter erros e non recolle todas as condicións de cota ou terreo cinexético. Os festivos empregados son os de carácter estatal e autonómico de Galicia para 2026 e 2027. O único documento con valor oficial é a Resolución do 13 de maio de 2026 en PDF (DOG núm. 91, do 19 de maio de 2026). En caso de discrepancia, prevalece sempre o PDF oficial. Ademais, non reflicte as ampliacións da emerxencia cinexética polo xabaril vixente desde xullo de 2026.
Agosto 2026
SeguinteDetalle por grupo de especies
Aves de caza menor · período xeral
Caza menor — aves (período xeral)
Xoves · Domingos · Festivos
Arcea (cota 3/día), perdiz rubia, faisán común, estorniño pinto, pega rabilonga, corvo, paspallás, pombo, tordo real/galego/malvís/charlo e aves acuáticas (lavanco real, pato rabilongo, parrulo chupón, parrulo cristado, galiñola negra).
Arcea — prórroga en terreos de réxime especial Condicional
Xoves · Domingos · Festivos
Só logo de solicitude. Prohibida a modalidade "ao paso" en posto fixo ou espera.
Tordos — prórroga no Baixo Miño Condicional
Xoves · Domingos · Festivos
Só nos tecores de Salceda de Caselas, Salvaterra de Miño, Tomiño, O Rosal e Tui (Pontevedra).
Zona Antela (Ourense) · paspallás, pombo, rula
Paspallás — zona da antiga lagoa de Antela
Sábados · Domingos
Sábados e domingos, en cuarteis autorizados. Cota máxima de 10 pezas por persoa cazadora e día.
Pombo — zona da antiga lagoa de Antela
Sábados · Domingos
Xunto co paspallás. Cota de 5 exemplares por persoa cazadora e xornada.
Rula común — zona da antiga lagoa de Antela
Sábados · Domingos
Única época hábil para esta especie en Galicia. Cota de 2 exemplares por persoa cazadora e xornada.
Mamíferos de caza menor
Caza menor — mamíferos (período xeral)
Xoves · Domingos · Festivos
Coello e raposo (raposo tamén en modalidade de batida).
Raposo — batidas de ampliación Condicional
Xoves · Sábados · Domingos · Festivos
Engade os sábados a maiores do período xeral, en todo o territorio de Galicia.
Raposo — batidas de ampliación Condicional
Xoves · Sábados · Domingos · Festivos
Engade os sábados a maiores do período xeral, en todo o territorio de Galicia.
Lebre (Lepus granatensis)
Xoves · Domingos · Festivos
Só en terreos de réxime cinexético especial.
Corzo Aberto hoxe
Corzo — machos adultos
Calquera día (só axexo)
Axexo calquera día. Batida e montaría só sábados (terreo común) ou sáb./dom./festivos (terreo especial).
Corzo — femias en descaste (opción 1) Condicional
Calquera día (só axexo)
Só con xustificación técnica no plan anual de aproveitamento. Alternativa á opción 2, a elección do titular. Axexo calquera día; batida/montaría só sáb./dom./festivos.
Corzo — femias en descaste (opción 2, por defecto) Condicional
Calquera día (só axexo)
Período aplicable por defecto se o plan anual non indica outra cousa. Axexo calquera día; batida/montaría só sáb./dom./festivos.
Corzo — axexo fóra de tempada
Calquera día (só axexo)
Só modalidade de axexo, calquera día da semana, en terreos de réxime especial.
Xabaril Aberto hoxe
Xabaril — terreos de réxime especial
Xoves · Sábados · Domingos · Festivos
Xoves, sábados, domingos e festivos. Modalidades de batida, montaría e espera.
Xabaril — terreo común (agosto)
Xoves · Sábados · Domingos · Festivos
Xoves, sábados, domingos e festivos.
Xabaril — terreo común (só sábados) Condicional
Só sábados
Neste tramo unicamente se pode cazar os sábados (sen ampliación por festivo).
Xabaril — terreo común (xaneiro-febreiro)
Xoves · Sábados · Domingos · Festivos
Xoves, sábados, domingos e festivos.
Cervo, gamo e muflón
Cervo, gamo e muflón — axexo (machos e femias en descaste)
Calquera día (só axexo)
Só terreos de réxime especial, calquera día da semana.
Cervo, gamo e muflón — todas as modalidades
Calquera día (só axexo)
Axexo calquera día. Batida, montaría e espera: xoves, sábados, domingos e festivos. Só terreos de réxime especial.
Cabra montesa (Xurés)
Cabra montesa — macho selectivo, femia en descaste e macho trofeo
Calquera día (só axexo)
Só tecores do Xurés. Modalidade de axexo.
Cabra montesa — macho trofeo
Calquera día (só axexo)
Só tecores do Xurés. Modalidade de axexo.
Especies con caza prohibida
Lobo (Canis lupus), rebezo fóra da Reserva Nacional de Caza dos Ancares, cabra montesa fóra dos tecores do Xurés, charrela (Perdix perdix), pato cullerete (Anas clypeata), rula turca (Streptopelia decaocto), gaivota escura, gaivota arxéntea e gaivota patiamarela, pomba brava (agás como presa de escape en cetraría), pomba zura e gralla cereixeira.
Segues tendo dúbidas?
Se non atopa resposta ás suas dúbidas sobre lexislación na nosa páxina, pode facernos chegar a súa consulta directamente. Os nosos especialistas responderanlle o antes posible.
Facer unha consulta