Inicio Calendario Buscar Contacto

 
MENÚ
Últimas novas
Buscar
Ver arquivo de novas
Ver novas por ano
Revista de prensa
Imprimir esta nova
O porcoril volve aos montes da provincia

O presidente do tecor de Castroverde, Fernando Pillado, di que os híbridos de porco vietnamita con xabaril supoñen un problema "grave"

| · 19/9/2017

O presidente do tecor de Castroverde, Fernando Pillado, informou de que os híbridos que se formaron pola mestura de porcos vietnamitas coa raza autóctona de xabarís xa supoñen un problema "grave" nesta zona da provincia de Lugo, dado que se detectaron "poboacións importantes", que atacan aos cultivos e provocan situacións de risco nas estradas.

Pillado, en declaracións a Efe, explicou que esa nova raza híbrida é unha consecuencia da irresponsabilidade dalgúns propietarios, que compraron "eses porcos vietnamitas de pequenos", como mascota, e ao facerse maiores, soltáronos no monte".

"Temos ese problema e é un problema serio", recoñeceu o presidente do tecor, porque os cazadores xa divisaron no monte "poboacións importantes" deses híbridos e incluso tomaron fotografías de mandas formadas por "vinte ou trinta exemplares".

"É un problema moi gordo", insistiu, pero tamén aclarou que o tecor non pode facerlle fronte en solitario, polo que xa informou da situación á Consellería de Medio Ambiente para que tome medidas respecto diso.

Afirmou que, neste momento, "hai moitísimos xabarís", porque "teñen o hábitat perfecto", pero tamén subliñou que "os tecores son os que menos culpa teñen" dos posibles danos que provoquen esas especies cinexéticas, porque o único que fan é "cazalos" cando está permitido.



Federación Galega de Caza  
Estadio Multiusos de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza