Información xeral
En cumprimento da Lei 4/2017, do 3 de outubro, de protección e benestar dos animais de compañía en Galicia, que regula entre outras moitas cuestións, os requisitos a cumprir en relación á tenza de cans no domicilio, a Federación Galega de Caza (FGC) pon a disposición dos cazadores esta guía informativa sobre o rexistro de canceiras.
Trámites segundo número de cans
Os trámites a realizar dependerán do número de cans que cada cazador teña no seu domicilio:
Ata 5 cans
Non é obrigatorio ningún trámite.
Máis de 5 cans pero menos de 15
Cubrir e presentar o impreso de comunicación de tenza de máis de 5 cans maiores de tres meses.
Recomendámoslle que conserve unha copia da súa presentación no rexistro correspondente, xa que non recibirá resposta nin acuse de recibo.
15 ou máis cans
É necesario o rexistro como canceira deportiva no Rexistro Galego de Núcleos Zoolóxicos (REGANUZ), acompañado de memoria descritiva, proxecto técnico e informe veterinario.
Contacto
Para calquera dúbida sobre o rexistro de canceiras, contacta coa FGC:
Enviar consulta sobre canceiras →