Planificación e prevención dos danos do xabaril ante a maduración do millo
No día de hoxe, 23 de agosto, o presidente da Federación Galega de Caza, Javier Nogueira, acompañado dos presidentes provinciais federativos, reuníronse coa Directora Xeral de Medio Ambiente e Patrimonio Natural, para coñecer a planificación e prevención dos danos que poida ocasionar o xabaril, ante a proximidade da maduración e recollida da colleita do millo.
Unha preocupante situación cinexética que pode incrementar considerablemente o número de comarcas e concellos afectados por esta situación, si a comparamos con tempadas anteriores.
Por tal motivo, a Consellería de Medio Ambiente, a través da Federación Galega de Caza, solicita aos responsables dos Tecores e cazadores un esforzo para mitigar os danos que ocasionen os xabariles nas colleitas, ou ben nos sinistros de tráfico nas estradas galegas.
No mesmo eido, nesta prevención de danos, tamén se contemplan diferentes accións, que unha vez se den a coñecer a Federación Galega de Caza informará aos responsables dos Tecores afectados.
