Arqueiros no Trofeo Concello de Soutomaior
No día de onte, 30 de marzo, celebrouse o Trofeo Concello de Soutomaior de Percorridos de Caza con Arco “Xunta de Galicia”, nos terreos do clube Cazarco no lugar de Candan, Soutomaior.
Os 41 deportistas anotados estaban convocados ás 8:30 horas da mañá para comenzar a competición deportiva. Proba puntuable para o campionato galego da especialidade que contou co Delegado de Arco, Jaime Villaverde, como Director da Proba.
A competición comezou ás 09:15 horas e unha vez rematada procedeuse á recollida de todo o material empregado e a entrega de premios.
A clasificación final rematou do seguinte xeito:
- Arco asistido feminino: 1ª Dolores Bugarín (311 ptos) - 2ª Mariña Oliveira (311 ptos) - 3ª Mª Carmen Novoa (159 ptos)
- Arco asistido masculino: 1º Eloy Álvarez (447 ptos) - 2º Jaime Villaverde (365 ptos) - 3º Miguel Caruncho (361 ptos)
- Arco tradicional feminino: 1ª Laura Fernandez (162 ptos) - 2ª Silvia Gómez (137 ptos) - 3ª Carolina Comesaña (44 ptos)
- Arco tradicional masculino: 1º Juan José Corredoira (299 ptos) - 2º Jacobo Santoro (287 ptos) - 3º José García (257 ptos)
- Junior: 1ª Carlota Otero (149 ptos) - 2ª María Moreira (94 ptos) - 3ª Iria Boullosa (92 ptos)
A proba estivo organizada polo Clube Cazarco contando coa colaboración do Concello de Soutomaior e a FGC de Pontevedra. Co patrocinio da Secretaria Xeral para o Deporte e Mutuasport.
