Daniel Domínguez novo campión provincial de pontevedra de percorridos de caza
XXXVIII Campionato Provincial de Pontevedra de Percorridos de Caza "Xunta de Galicia"
Na xornada de onte, 18 de maio, desputábase a proba provincial de Pontevedra de Percorridos de Caza na que o tirador Daniel Domínguez Treinta proclamouse Campión Provincial cunha marca de 85 pratos escachados, ainda que o campión da proba foi Armandino Barros de Sa con 88 pratos.
Este campionato contou coa organización da Federación Galega de Caza en Pontevedra e a esencial colaboración do Clube de Tiro Fronteiriñas e Clube de Tiro Eido Dalbo.
Destacamos a ampla inscrición para esta fase provincial que superou os 60 tiradores. Tiradores que se enfrontaron a 100 pratos nos que se acadaron marcas moi distantes entre uns campos e outros.
Foi o tirador Armandino Barros de Saa o senior que remataba o percorrido cun total de 88 pratos escachados e acadaba deste xeito o primeiro posto da Clasificación Xeral e campión da categoría. José Ramón Conde Mouriño era o segundo clasificado con 86 pratos. Daniel Domínguez Treinta acadaba o título de campión provincial e terceiro da xeral ao conquerir unha marca de 85 pratos.
Na categoría Senior en segunda posición remataba Álvaro José da Cruz Braga con 80 pratos. O terceiro caixón do podio era ocupado por Francisco Javier Rivero Martínez tamén con 80 pratos.
En Veteranos o tirador campión era José González Yáñez cun total de 78 pratos, Gabino Villamor Vázquez e Juan Manuel Garrido Amoedo remataron en segunda e terceira posición respectivamente.
En Máster o mellor clasificado era Joao Soares de Oliveira con 73 arxilas, Ángel Vidal Conde obtiña a prata e o bronce era para Luis Salmerón Madera.
En Iniciados o campión era Francisco Ronquete Caamaño, e Sabela Calvo Pérez campiona en Donas.
Este Campionato Provincial contou co patrocinio da Secretaría Xeral para o Deporte, Proyecta Galicia e Mutuasport.
