O galego Julio Ferradás con “Copy” subcampión de España de Cans de Rastro Atrelados sobre Xabaril

Preto de corenta participantes de sete comunidades autónomas déronse cita na localidade pontevedresa de Tomiño nunha XXXII edición marcada polo alto nivel competitivo e a gran organización.

O XXXII Campionato de España de Rastro sobre Xabaril, organizado pola Real Federación Española de Caza xunto coa Federación Galega de Caza e o Consello Superior de Deportes (CSD), celebrou este sábado en Tomiño (Pontevedra) con éxito total de participación e organización, atraendo a 38 competidores de Galicia, Asturias, Cantabria, Castela e León, País Vasco, Navarra e Aragón.

O vencedor da proba foi o asturiano Diego Molina, que xunto ao seu grifón “Loquina” alcanzou os 229 puntos. No pódium acompañáronlle como segundo e terceiro clasificado o galego Julio Daniel Ferradás Vermellas co seu can “Copy” e 227 puntos e o tamén asturiano Luciano Lago Álvarez co seu sabuxo “Rodolfo” e 224,5 puntos, quen completou unha competición de alto nivel.

A selección galega

En canto a selección destacamos o alto nivel presentado polos monteiros galegos pasando 5 cans á final: Julio Ferradás con “Copy”, Manuel Antonio Bujan con “Moro”, Juan Vecino con “Eros”, Salvador Sestelo con “Beba” e Cristóbal Cacheda con “Horus”. Unha final de moito nivel no que o pontevedrés Julio Ferradás e “Copy” obtiveron o segundo posto a tan so dous puntos do campión.

Copa Xuvenil

Simultaneamente, tivo lugar a II Copa Xuvenil, coa participación de 6 mozos cazadores, onde se impuxo a moza cántabra Julia Gutiérrez con “Lira”. Anais Suárez e Samuel Fernández, en segunda e terceira posición respectivamente, foron os rapaces que compretaron o podio xuvenil. Desta forma, a RFEC segue impulsando a renovación xeracional e a promoción de valores crave como a ética, a formación e o respecto pola contorna.

Patrocinadores, colaboradores e agradecementos

O campionato contou co patrocinio e a colaboración de Browning, Winchester, Miroku, Legia, HART, ISUZU, Avis, Mutuasport, Cinexética, Stop Violencia Xénero, Xunta de Galicia, Remanso, Ventos e rastros, Bograo pensos, Colfoman, Silvet, Colibrí, Wildlife “A tiro fixo”, Concello de Tomiño, Solognac, Taller Armería Bergantiños Melide, Comunida de montes de pinzás, FGC Pontevedra, Concesionario Vepersa e Carnicería Florentiña.

A RFEC quere agradecer a implicación de Óscar Meijide (delegado nacional da modalidade), xuíces, participantes, federacións autonómicas, autoridades locais e resto de implicados na organización deste campionato de España de Rastro sobre Xabaril que demostrou non só a calidade do deporte cinexético en España, senón tamén o firme compromiso coa excelencia organizativa e a aposta por unha das modalidades cinexéticas con máis arraigamento e tradición no centro e norte peninsular.

Dende a FGC destacan o traballo da FGC de Pontevedra e da enorme implicación da Sociedade de Caza A Tomiñesa, pezas craves para que este proba nacional fose un éxito.

CLASIFICACIÓN:

Diego Molina García (Asturias) – “Loquina” (Grifón) – 229 pts

Julio Daniel Ferradas Vermellas (Galicia) – “Copy” (mestizo) – 227 pts

Luciano Lago Álvarez (Asturias) – “Rodolfo” (Sabuxo) – 224’5 pts

Casimiro González Alonso (Asturias) – “Lola” (Sabuxo) – 212’5 pts

José María Iturralde Boto (Euskadi) – “Turco” (Mestizo) – 201’5 pts

Salvador Sestelo Núñez (Galicia) – “Beba” (mestizo) – 200’5 pts

Noelia Díaz Izaguirre (Cantabria) – “Goby” (Grifón) – 197 pts

Gustavo Angulo Oyarzabal (Euskadi) – “Linda” (Sabuxo) – 187 pts

Manuel Buján Mella (Galicia) – “Mouro” (mestizo) – 180’5 pts

Cristóbal Cacheda Chousa (Galicia) – “Horus” (mestizo) – 168’5 pts

Juan Fernández Vecino (Galicia) – “Eros” (Grifón) – 166’5 pts

Eduardo Sanmiguel Jiménez (Navarra) – “Princesa” (Grifón) – 135 pts