Por cuarto ano consecutivo Daniel Cebreiro domina e revalida o título de Campión Galego de Compak Sporting
XXV Campionato Galego de Compak Sporting "Xunta de Galicia"
No día de onte, 20 de xullo, nas instalacións da Sociedade Deportiva Río Sar desputouse o Campionato Autonómico de Compak Sporting. Un campionato con ampla participación, preto de 90 tiradores, e que foi testigo do dominio do tirador coruñés Daniel Cebreiro García que acadou, por cuarto ano consecutivo, o título de campión galego.
Baixo a organización da Federación Galega de Caza e a colaboración da Sociedade Deportiva Río Sar desputábase a edición XXV do Campionato Galego de Compak Sporting “Xunta de Galicia”. Unha xornada que daba comenzo ás 8:30 horas e remataba ás 17:00 horas e na cal os deportistas enfrontáronse a 150 pratos repartidos en seis canchas.
O campionato trascorreu baixo condicións climáticas moi cambiantes, con refachos de vento e choiva intermitente que mermou as marcas acadadas polos tiradores.
O coruñés Daniel Cebreiro García cun claro dominio proclamouse Campión Galego de Compak Sporting, por cuarto ano consecutivo, despois de acadar a marca de 142 pratos. O tamén coruñés José Manuel Fernández Añón, a tres pratos do campión, foi o tirador que tivo certa posibilidade de pelexarlle o título a Cebreiro pero non foi así e tivo que conformarse co segundo posto da xeral. O terceiro posto da xeral era para Eloy Fernández López con 138 pratos, namentras que o bronce do campionato galego era para o pontevedrés Manuel Blanco Puertas con 136 arxilas.
O primeiro posto da categoría Senior foi para Álvaro José da Cruz Braga con 133 pratos. O lucense Juan Carlos Bande López era o campión galego da categoría despois de facer unha gran tirada que lle reportou un total de 128 pratos. Santiago García Bello era o subcampión galego e o bronce era para Antonio Iglesias Otero, con 127 e 126 pratos respectivamente.
Elisardo Cea Cebreiro revalidaba o título da categoría Veteranos con 127 pratos. A prata era para Eliseo Faraldo Fernández con 104 pratos e con 102 pratos o terceiro clasificado era José Manuel Garrido Amoedo.
En Donas a campiona galega era Maitane Fandiño Pérez e a subcampiona Sabela Calvo López.
Ao abano de campións deste Autonómico sumábanse os seguintes tiradores: Ángel Mosquera Rodríguez en Másters, Artemio Formoso Barro en Tiro Adaptado e Alejandro Castro Pérez en Iniciados.
A Selección Galega para o Nacional de Compak Sporting quedou formada por Daniel Cebreiro García, José Manuel Fernández Añón, Manuel Blanco Puertas, Roberto Rodríguez Fernández, Juan Carlos Bande López, e Elisardo Cea Cebreiro. Na clausura e entrega de premios o presidente da FGC, Luis Eusebio Fidalgo, agradeceu a alta participación transmitindo o desexo de que a selección galega acade grandes resultados no Campionato de España da modalidade.
Este Campionato Galego contou co patrocinio da Secretaría Xeral para o Deporte, Proyecta Galicia e Mutuasport.
