Escola de Caza · Cursos de Formación 2026
Aula virtual da Federación Galega de Caza, en colaboración coa Consellería de Medio Ambiente e Cambio Climático
A Federación Galega de Caza activa a súa aula virtual da Escola de Caza para convocar os Cursos de Formación de Caza 2026, en colaboración coa Consellería de Medio Ambiente e Cambio Climático.
Os cursos estarán dispoñibles no campus virtual da FGC as 24 horas do día e os 7 días da semana, desde o 1 ata o 25 de outubro. Durante este período os alumnos poderán conectarse á formación dende calquera punto de Galicia, nas datas e horarios que máis se adapten ás súas necesidades, tendo na derradeira semana o exame final.
A quen van dirixidos
Que aprenderás
Xestión de sociedades de caza
Entresixos da xestión interna e administrativa dunha sociedade: obrigas dos directivos, responsables de cazarías e xestores cinexéticos.
Prevención e seguridade na práctica cinexética
Primeiros auxilios e pautas de seguridade que poden salvar vidas de compañeiros no monte.
Enfermidades da fauna cinexética
Coñecemento das principais enfermidades da fauna e a súa incidencia na actividade.
Saúde alimentaria e carne de caza
Correcto manexo da carne das pezas abatidas para un consumo seguro.
Xestión dos residuos non comestibles
Tratamento e eliminación axeitada dos restos non aptos para consumo.
Como matricularse
- Descarga o boletín de matrícula na web escoladecaza.gal ou recólleo en calquera das sedes da FGC.
- Cubre o boletín cos teus datos.
- Envíao por correo electrónico a escola@federaciongalegadecaza.com.
- Antes do 18 de setembro, data en que remata o prazo de matrícula.
A matrícula é aberta e gratuíta.
Máis información na nova «Chega setembro e ábrese o prazo de inscrición aos Cursos de Formación da FGC 2026».