Lexislación

• Orde do 1 de xuño de 2007 pola que se regula o exame do cazador na Comunidade Autónoma de Galicia.
• ORDE do 1 de abril de 2025 pola que se modifica a Orde do 1 de xuño de 2007 pola que se regula o exame de cazador na Comunidade Autónoma de Galicia (código de procedemento MT807A).

O Manual do Cazador é unha guía de contidos creada pola Xunta de Galicia para a realización do Exame do Cazador, necesario para obter por primeira vez a Licencia de Caza de Galicia.

Descargar Manual do Cazador

1. Para realizar o exame será necesario inscribirse previamente mediante unha solicitude, segundo modelo normalizado (procedemento MT807A), cunha antelación mínima de 15 días hábiles á data da realización do exame
   
   
2. As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal (procedemento MT807A). Opcionalmente, poderanse presentar de xeito presencial.



3. As persoas interesadas deberán achegar coa solicitude a seguinte documentación:
   a) Xustificante de pagamento da taxa (código 30.15.04), agás que o pagamento da taxa se inicie e finalice a través da sede electrónica.
   b) Documentación acreditativa da representación

4. As probas realizaranse nos departamentos territoriais da consellería competente en materia de caza, nas seguintes datas:
   - Nos primeiros luns dos meses de febreiro, abril, xuño e setembro da Coruña e Ourense
   - Nos primeiros luns dos meses de marzo, maio, outubro e decembro nos de Lugo e Pontevedra
   NOTA: as persoas solicitantes pódense inscribir en calquera das catro provincias galegas, indistintamente da súa provincia de residencia ou procedencia


5. O exame teórico consta dun cuestionario tipo test con respostas alternativas, sobre 60 preguntas, e dun exercicio práctico consistente no recoñecemento de especies cinexéticas e non cinexétias. Non nos consta que existan libros editados coas respostas aos posibles exercicios do exame, nembargantes sí contamos cun cuestionario de preguntas -dentre as cales sairán as do exame- e coas ilustracións das especies, que pode atopar na parte superior desta páxina.


6. O temario do exame é o seguinte:
   • Lexislación da Comunidade Autónoma de Galicia
   • Bioloxía e ecoloxía das especies cinexéticas de Galicia
   • Identificación, por sexo e idade, das especies cinexéticas e non cinexéticas que poidan ser confundidas coas anteriores, e determinación dos exemplares que son pezas de caza.
   • Modalidades de caza e normas de seguridade nas cacerías
   • Delitos e faltas relacionadas coa caza no Código Penal
   • Coñecementos básicos do procedemento sancionador
   • Nocións básicas sobre sintomatología das enfermidades que afectan ás especies cinexéticas
   • Normativa legal que afecta aos cans de caza
   • Nocións básicas sobre valoración de trofeos de caza
     

• Impreso inscrición no exame do cazador
  Procedemento MT807A
  
  
• Modelo de taxa
  Inclúe os códigos cos que debe cumprimentar a taxa de inscrición no exame
  
  
• Listado completo de preguntas
  Enunciado das posibles preguntas que poderán formar parte do primeiro exercicio, (proba teórica). 40 das 60 preguntas da proba, serán seleccionadas entre as 100 primeiras destas preguntas.
  
  
• Listado de respostas ás preguntas
  Inclúe as respostas correctas a todas as posibles preguntas do exame.
  
  
• Exame visual especies cinexéticas
  Ilustracións que se empregarán no segundo exercicio de carácter práctico
  
  
• Exame visual especies non cinexéticas
  Ilustracións que se empregarán no segundo exercicio de carácter práctico
  
  
• Especies identificadas
  Ilustracións co nome de cada especie