Orde do 1 de xuño de 2007 pola que se regula o exame do cazador na Comunidade Autónoma de Galicia.
[...] O obxecto da presente orde é regular o procedemento, o temario, a convocatoria, os exames, a súa corrección e cualificación, así como a puntuación necesaria para superalos e acadar o certificado que permita obter a primeira licenza de caza. [...]

O Manual do Cazador é unha guía de contidos creada pola Xunta de Galicia para a realización do Exame do Cazador, necesario para obter por primeira vez a Licencia de Caza de Galicia.

Descargar Manual do Cazador

1. Cumprimentar e presentar a solicitude de inscrición no exame cunha antelación de 30 días hábiles, na Delegación Provincial de Conservación da Natureza correspondente. A solicitude deberá ir acompañada ademais de copia do DNI, e do pagamento da taxa oficial, que poderá abonar en calquera entidade bancaria; o impreso de pagamento facilítanllo na mesma entidade bancaria, pero deberá cumprimentalo cos códigos e cos seus datos persoais, segundo o modelo que se atopa arriba.


2. A continuación deberá presentar presencialmente ou remitir por fax ao Servizo de Conservación da Natureza, copia da solicitude, do DNI e da taxa liquidada.


3. Os exames serán o primeiro luns dos meses de febreiro, xuño, setembro e decembro. (cando os luns coincidan con días inhábiles trasládarase ao día hábil seguinte). Aconsellámoslle que unha vez presentada a solicitude se poña en contacto co Servizo Provincial de Conservación da Natureza para confirmar que está admitido nas probas.


4. O exame teórico consta dun cuestionario tipo test con respostas alternativas, sobre 60 preguntas, e dun exercicio práctico consistente no recoñecemento de especies cinexéticas e non cinexétias. Non nos consta que existan libros editados coas respostas aos posibles exercicios do exame, nembargantes sí contamos cun cuestionario de preguntas -dentre as cales sairán as do exame- e coas ilustracións das especies, que pode atopar na parte superior desta páxina.


5. O temario do exame é o seguinte:
   • Lexislación da Comunidade Autónoma de Galicia
   • Bioloxía e ecoloxía das especies cinexéticas de Galicia
   • Identificación, por sexo e idade, das especies cinexéticas e non cinexéticas que poidan ser confundidas coas anteriores, e determinación dos exemplares que son pezas de caza.
   • Modalidades de caza e normas de seguridade nas cacerías
   • Delitos e faltas relacionadas coa caza no Código Penal
   • Coñecementos básicos do procedemento sancionador
   • Nocións básicas sobre sintomatología das enfermidades que afectan ás especies cinexéticas
   • Normativa legal que afecta aos cans de caza
   • Nocións básicas sobre valoración de trofeos de caza
     

• Orde pola que se regula o exame do cazador
  Orde do 1 de xuño de 2007 pola que se regula o exame do cazador na Comunidade Autónoma de Galicia.
  
• Impreso inscrición no exame do cazador
  Procedemento MT807A
  
  
• Modelo de taxa
  Inclúe os códigos cos que debe cumprimentar a taxa de inscrición no exame
  
  
• Listado completo de preguntas
  Enunciado das posibles preguntas que poderán formar parte do primeiro exercicio, (proba teórica). 40 das 60 preguntas da proba, serán seleccionadas entre as 100 primeiras destas preguntas.
  
  
• Listado de respostas ás preguntas
  Inclúe as respostas correctas a todas as posibles preguntas do exame.
  
  
• Exame visual especies cinexéticas
  Ilustracións que se empregarán no segundo exercicio de carácter práctico
  
  
• Exame visual especies non cinexéticas
  Ilustracións que se empregarán no segundo exercicio de carácter práctico
  
  
• Especies identificadas
  Ilustracións co nome de cada especie