Observatorio da Caza
Estudo da caza en Galicia
Proxecto ARCEA
Sobre o proxecto
Estudo e xestión da poboación de arcea (Scolopax rusticola) en Galicia
A Federación Galega de Caza impulsa dende o ano 2023 este proxecto de censado da arcea, co obxectivo de xerar coñecemento científico sólido sobre a especie que permita o seu estudo, a súa conservación e un aproveitamento cinexético responsable e sostible no tempo.
Este traballo non sería posible sen a implicación desinteresada de decenas de cazadoras e cazadores que, tempada tras tempada, dedican o seu tempo a percorrer o monte e rexistrar con rigor cada xornada de censo. A información que achegan é unha ferramenta imprescindible para coñecer a evolución real das poboacións de arcea en Galicia e para fundamentar, con datos, as futuras decisións de xestión da especie, en colaboración coa Consellería de Medio Ambiente e Cambio Climático da Xunta de Galicia. Dende a Federación queremos agradecer sinceramente esta colaboración voluntaria, clave para o futuro da arcea e da propia actividade cinexética.
Quero ser censador
Se es cazador federado e queres participar este ano no censo da arcea, solicita a túa alta como censador. A FGC tramitará a autorización por parte da Consellería.
Prazo aberto ata o 16/11/2026.
Xa son censador rexistrado
Se xa estás dado de alta, accede coa túa conta para rexistrar e consultar as túas xornadas de censo da tempada 2026-2027.
Compromisos do censador
A persoa que participa neste programa de censado comprométese a:
Realizar, como mínimo, 6 xornadas de caza/censo nos períodos hábiles determinados na resolución pola que se determinan as épocas hábiles de caza na tempada vixente.
Trasladar os datos recollidos en ditas xornadas ao formulario ao que terán acceso os cazadores/censadores autorizados.
Contar coa autorización dos Tecores onde pretende cazar/censar (tarxeta ou similar).