Volver ao inicio
Inicio Calendario Buscar Contacto

 
MENÚ
Últimas novas
Buscar
Ver arquivo de novas
Ver novas por ano
Revista de prensa
Imprimir esta nova
O delegado do Goberno non ve problema na idade mínima para acceder á licenza
O delegado do Goberno en Galicia, Samuel Juárez, afirmou hoxe en relación coa idade mínima fixada na nova lei para acceder á licenza de caza, de 16 anos, é a mesma que aplican a "maior parte" de comunidades autónomas, polo que ao seu xuízo non é un problema.
| · 29/10/2013
De feito, subliñou que algunhas autonomías incluso permiten o acceso "a idades máis temperás", aínda que non sexa "para utilizar armas de fogo", e apuntou: "É unha cousa común, non creo que sexa un problema de idade".

Juárez fixo estas declaracións en Lugo, logo de participar nun acto da Confederación Hidrográfica Miño-Sil na sede da Subdelegación do Goberno acerca da morte dun mozo de 17 anos o pasado fin de semana nunha batida de caza en Lugo.

Cualificou este suceso dun "desgraciado accidente" e afirmou que este tipo de sinistros "prodúcense de cando en vez", pero aínda que sexa "moi lamentable, son accidentes". "Efectivamente, foi un accidente. Obviamente, se se confirma que foi unha bala rebotada, un accidente moi desgraciado. Quero aproveitar para enviar as miñas condolencias á familia", engadiu Juárez.

Ao seu xuízo, foi "moi desgraciado polas circunstancias e pola idade deste mozo", pero recordou que "accidentes prodúcense de cando en vez" e que "este fin de semana foi tráxico no conxunto de España, porque houbo varios accidentes de caza". "É moi lamentable, pero son accidentes", concluíu.


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza