Volver ao inicio
Inicio Calendario Buscar Contacto

 
MENÚ
Últimas novas
Buscar
Ver arquivo de novas
Ver novas por ano
Revista de prensa
Imprimir esta nova
Ferido grave un mozo da Pastoriza que recibiu un disparo nunha xornada de caza
| · 30/10/2014

Un mozo de 19 anos permanece ingresado no hospital de Lugo por un disparo que recibiu cando participaba nunha cacería. 

Aínda que nun primeiro momento o seu estado chegou a ser grave, evoluciona favorablemente e xa saíu da Unidade de Coidados Intensivos.

O mozo, natural da Pastoriza, participaba xunto con outros cazadores nunha cacería de raposo nun dos terreos do Tecor da Terra Chá. Segundo fontes da sociedade cinexética, durante a batida, por un descoido, un dos cazadores disparou a súa escopeta e alcanzou o rapaz. O mozo recibiu máis de trinta perdigóns que lle causaron feridas de consideración polas que tivo que ser trasladado ao hospital.

Nun primeiro momento, o seu estado chegou a ser grave e tivo que ser ingresado na unidade de coidados intesivos do hospital Lucus Augusti de Lugo. Arestora evoluciona favorablemente e xa foi trasladado a planta.

Na parroquia onde reside o mozo coa súa familia, os veciños din que é un grande afeccionado á caza e participa habitualmente nestas xornadas de caza. 

Dende o Tecor da Terra Chá lamentan o acontencido e din que se tratou dun accidente fortuíto.



Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza