Campionato Galego de Cans de Rastro Atrelados modalidade
Xabaril
O pasado sábado 29 de xuño, disputábase no Tecor Riberas do Tambre –
Sigüeiro (A Coruña) o Campionato Galego de Cans de Rastro Atrelados
modalidade Xabaril organizado pola Federación Galega de Caza e contando
coa colaboración de dita sociedade de caza.
Á proba acudiron preto de 40 monteiros clasificados nas súas
respectivas fases provinciais, da Copa Galicia e o Campión da edición
anterior.
Foron o xuíces Miguel Martínez Casal, Francisco Javier Silva Fontán e
Manuel J. Vázquez Mosquera os que tiveron a difícil tarefa de xulgar a
participación de este grupo de monteiros e cans que nos derradeiros
anos manteñen un alto nivel competitivo.
Disputada a fase final, foi o monteiro lucense e actual campión de
España da modalidade, Iván Fernández Pereira o que co seu can “Turé”
acadou o primeiro posto da clasificación converténdose no novo Campión
Galego da especialidade con 252,6 puntos. Francisco Rodeiro Eiras, que
defendía o título de campión, resultou segundo clasificado co seu can
de nome “Cho” e 238 puntos. Remataba tamén con 238 puntos pero en
terceira posición o monteiro Álvaro Fontenla Filgueira coa cadela
“Lira”.