O Tecor da Sociedade de Caza “Nogueira de Ramuín”, no concello de Nogueira de Ramuín, acollía o pasado 20 de novembro unha nova edición do Campionato Provincial de Ourense de Caza de Arceas, que organizaba a Federación Galega de Caza en Ourense en colaboración coa Sociedade de Caza “Nogueira de Ramuín”.

Participaban un total de 10 cazadores na proba, sen embargo a ausencia de capturas fixo que a clasificación se decidise por sorteo.  Así, o gañador era Roberto Miguélez Saínza, segundo clasificado era José Luis Méndez e finalmente Jaime Pintos era o terceiro clasificado.