COPA GALICIA XABARIL
O monteiro Diego Martínez gañador en Caselas
Campionato de Cans de Rastro Atrelados modalidade Xabaril
O pasado domingo día 10 de xuño, no Tecor pontevedrés de Salceda de Caselas disputouse unha proba de Cans de Rastro Atrelados modalidade Xabaril puntuable para a Copa Galicia da especialidade e baixo a organización de dita Sociedade de Caza coa colaboración da Federación Galega de Caza en Pontevedra.
O día amenceu con choiva pero ao longo da mañá a climatoloxía foi a axeitada para a practica desta modalidade cinexética. Participaron na proba un total de 12 monteiros cun total de 17 cans que foron xulgados por Jaime Villaverde Valado, Alejandro González González e Roberto Carlos Costa Tellado.
Unha vez disputada a proba foi o participante Diego Martínez Domínguez co can “Demo” o que obtivo o primeiro posto ao acadar un total de 219 puntos. Na segunda posición rematou Álvaro Fontenla Filgueira con “Rumba” e 214 puntos. Salvador Sestelo Núñez foi o monteiro que ocupou o terceiro posto con “Clay” e 193 puntos.
